Roma 9:2 - Iaai Bible 1901 (New Caledonia)

² ka habe, iny vec gan hmâ, ke hlöuhlöu bala bi hnyekuk.

Roma 9:2 ပူးပေါင်းရင်းမြစ်များ

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

Isaia 66:10

Tha senyin dʼ öbun me Jerusalema, me hobâ thö gan öbun hia thithö tavat öbun e hnyok kâu: tha senyin hwege thö mē, öbun hia thithö öbun e tenge gan:

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Je tenge anyi Jeremi 1:12

Hawa, e ûnyi baû köbun tavat hia adre me vheno gethen? Bwele thö, me wâ, ame ne hu hlöuhlöu helâ me anyik hlöuhlöu, wale adre ânyâ könya. Waleji hnö Iehova hna oveci nya hnyi bonginy anyin hmonyin ae hwege.

Je tenge anyi Jeremi 3:51

Li emakök ame ovecâ hnyekuk, can je: hluiny hia ik taun.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Roma 10:1

HNYAT me lakeiny lö, haba weny hnyekuk me hijik hic ka Khong hobi kodra, mʼ adre me he ka möt.

Roma 9:1

INYA oge me ha hnathu ûnyi hnyi Keriso, oge me ca thoi bi, ame ohnathu nya hnen anyik ûnykûm sah ûnyi hnyi Hanu Kap,

Roma 9:3

Anyin a helâke oge me wek la, a gʼ adre me he ka ovesei nya me Keriso can je liamekeiny mönya, wale je lahanök hoton unyin:

Filipi 3:18

Anyin ae se hia tavat adre me he, kʼ oge me ibi ose hai odra köbun, kʼ oge me ha tengiâ walang ang, a ödra je iwahnaihmiony me satauro anyin Keriso:

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.

I. Samuela 15:35

Ke ame ca o hmetu Samuela kö Saulo ke ne o but hnyi bong e ame mokcu hnyin: ke Samuela ame tengiö Saulo; ke Iehova ame ietra hna otilö Saulo ka thaniny at Isaraela.