Roma 9:1 - Iaai Bible 1901 (New Caledonia)

¹ INYA oge me ha hnathu ûnyi hnyi Keriso, oge me ca thoi bi, ame ohnathu nya hnen anyik ûnykûm sah ûnyi hnyi Hanu Kap,

Roma 9:1 ပူးပေါင်းရင်းမြစ်များ

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 2:15

anyin adre me omanenâ ta je huliwainy hnanyibu adre set hnyi je hnyekudra, kʼ ame tha ohnathoâ hnen sah oûnykûmidra, ke haba je ûnykû-menödra adre me ve haikongoâ ame ne ve haisoi ödra bi;

Roma 8:16

Haba Hanu ame ka tha ohnathoâ me je hanuta, a öta je lakon Khong:

Roma 9:2

ka habe, iny vec gan hmâ, ke hlöuhlöu bala bi hnyekuk.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 1:23

Ke inya oge me hawâ Khong he ka ohnathoâ hon hanuk, a habaji kʼ iny tiga ca mwi bi Korinito, me, inya oge me betenge gabun.

II. Korinito 11:10

Hoton hnathu anyin Keriso unyik, me ba at ame he ka thawo nya hnyi hobeluâ eang hnyi je ke keihen Akaia.

II. Korinito 11:31

E khana but Khong a Kamen Tuhöta Iesu Keriso, wale a hnân he ka haisoâ nyiele balua, a oge me ca thoi.

II. Korinito 12:19

Öbun e ûnykûme ang a öhmun e ka owisʼ öhmun bi köbun. Ohmun e ha unyin Keriso hnyi hnyimakan Khong. Hnyat a oûnykûmik lö, hnân okahwʼ öbun ta je ûnyi hia.

Galatia 1:20

Ke haba ta je ûnyi oge sihnalimen köbun, wâ bi, oge me ca thoi hnyi hnyimakan Khong.

Filipi 1:8

Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu.

I. Thesalonika 2:5

Ke adre me ca ō ʼhmun bala a öhmun e ha hofuc ûtakû, e khanʼ öbun e, ke öhmun e ca huliwa hnyi behu, Khong ame ohnathoâ;

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

I. Timoteo 2:7

kʼ adre me ûco nya he ka khetâ e, ke hnân aposetolo (inya oge me ha hnathu oge me ca thoi), ke inya at ûne ka Aten ta je hnyei ka hnyi labageju me hnathu.

I. Timoteo 5:21

Inya oge me hûna wia köu hnyi hnyimakan Khong, me Keriso Iesu, me ta je angela adre ûca, ka habe, u me he ka tuö ta je ûnyi eang, ke ca he ka wâhmakhmeto, me bi hien ke at bi.