Roma 8:9 - Iaai Bible 1901 (New Caledonia)

⁹ Ke öbun ca aten bi unyin, ke ta je aten bi hanu, a ne eû hnyi hnyibun Hanon Khong. Ke a ne ca hu bi ge ke at Hanon Keriso, ca aten bi at eling.

Roma 8:9 ပူးပေါင်းရင်းမြစ်များ

Ezekiela 11:19

Ke oge me he ka ham kodra hnyok a khaca, me ip eû hnyi je hnyekubun hanu ae teb ûnyi; ke oge me he ka hom but hnyok ae veto hnyi je unyidra, me ham bi kodra hnyok a utiö:

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Ioane 14:17

wale Hanu ûnyi gan hnathu: ae ca khana bi hmeledrany he ka kap e; anyin adre me ca wâ e, kʼ adre me ca wâhmakhmetoâ e: ke öbun e wâkmakhmetoâ e; anyin a e ame laba unyibun, kʼ ame he ka laba eû hnyi je hnyekubun.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ioane 3:6

Haba hna hnokoâ ûnyi hnyi unyin, me wale unyin bi, ke haba hna hnokoâ ûnyi hnyi Hanu, me wale hanu bi.

Ta je huliwa 16:7

ke ödrin e o but cicö Musia, me ödrin e ûnykûme he ka he Bithunia ai; ke ame ca hnʼ ödrin bi Hanu Iesu;

Roma 7:5

Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

Roma 8:1

ANYIN a wale, e ba hmetu hnaûhango kodra unyin Keriso Iesu.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 15:23

Adre me he ka ve tot gaga, a ban Keriso, hwaban e je laten Keriso, e ka o but.

I. Korinito 3:16

Hawa, e ca khanʼ öbun a haba öbun me hnân uma kap a umen Khong, kʼ ame laba Hanon Khong eû hnyi hnyibun.

I. Korinito 6:17

Ke haba at ame tha he me Than, me khaca thibi hanu.

I. Korinito 6:19

Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

II. Korinito 10:7

Öbun e wâ ta je ûnyi hnyi hnyimaköbun. A ne ke at ame ûnykûme a e aten Keriso, e so e ame ûnykûme hmetu a e ka aten Keriso, awe, öhmun je aten Keriso.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 2:22

ke adre tha up öbun minya më hnân umen Khong ûnyi ge Hanu.

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Filipi 1:19

Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso,

II. Timoteo 1:14

Haba ûnyi ae so adre hna but köu, tuö ju hnen Hanu Kap at ame laba hnyi je hnyekuta.

I. Peteru 1:11

adre me elâm ûen me bongon e waleji a hnen Hanon Keriso eû hnyi je hnyekudrin hna kû, waleji hnyi hnen hna haimemenâ bânâ ta je vec anyin Keriso, me je hmanenang ame he ka hnu hoton.

I. Ioane 3:24

Ke haba at ame löng hoton anyin ta je hnanyibu, me ame laba eû hnyi hnyekon, ke e minya eû hnyi hnyekon. Ke hnen bi e, me ate me wâhmakhmeto a e ame laba eû hnyi hnyekuta, ûnyi ge Hanu e ame ham köta.

I. Ioane 4:13

ke e khanʼ öta a ate me laba eû hnyin hnyekon, ke e bi eû hnyi je hnyekuta, anyin a e ame ham köla Hanon.

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 20:15

Ke e ka manen dut khaca waleji adre ca sihnalimen hnyi tusiny möt me adre me khûâ but e ka hnyi nem a meic.