Roma 8:6 - Iaai Bible 1901 (New Caledonia)

⁶ Anyin a haba behnyok ka unyin, me, wale mok; ke haba behnyok ka hanu, me, wale möt, me hnahic:

Roma 8:6 ပူးပေါင်းရင်းမြစ်များ

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 17:5

Ke walang ang, Cica lö, oganö nya thö tha inya möu ge hmanenangitu kâû adrem ke tiga hia bi hmeledrany.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Roma 7:11

anyin a haba hulo, ame heleû ûen, me ame iyawo nya hnyi hnanyibu, me hlingö nya ûnyi gan.

Roma 7:5

Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

Roma 8:13

anyin a öbun e ne möt hoton unyin, hamöbun he ka mok; ke öbun e ne hlingâ ta je huliwa hnyi unyin ge hanu, öbun e he ka möt.

Roma 8:27

ke haba at ame elâm ta je hnyok, me e ame wâ ûnykûmanen Hanu, anyin a e ame sumat hobi kâu tavat ae kap hoton weny Khong.

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 6:8

Ke haba at ame tä ka hnyi hing unyin bi, me e ame he ka meno hna bobot ûnyi hnyi unyin; ke haba at ame tä ka hnyi Hanu, me e ame he ka meno möt ame ca ba balua ûnyi hnyi Hanu.