Roma 8:23 - Iaai Bible 1901 (New Caledonia)

²³ Ke ca hake e, ke öta minya hnyat ae hu gata wan a bân anyin Hanu, haba öta ate me mâng minya eû hnyi je hnyekuta, me halubahingen he ka wia me me lakon, wale hna omelö ta je unyita.

Roma 8:23 ပူးပေါင်းရင်းမြစ်များ

II. Man Ûlabainy Je Than. 31:5

Ke ame hap o ju ehele hnanyibu, me haba lakon Isaraela ödrin e ham gânâ je wan hwit a bân, me waina, we wakaco, me hani, me troban kânâ hia thithö; ke ödrin e hom gânâ a je ke keihen a libenyitainy ta je ûnyi hia.

Luka 20:36

ke ca khanʼ ödra bi he ka mok hmetu: anyin a ödra ûcû me ta je angela; ödra lakon Khong, a lakon möt hmetu ûnyi hnyi hna mok.

Luka 21:28

E ka hwân he ka hwâdâ ta je ûnyi eling, bwele thʼ öbun me wâ; anyin ae hakekeny jut he ka omeli öbun.

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Roma 5:3

Ke ca walang thibi, ke so ate me senyin minya hnyi anyita je vec: anyin ae khanʼ öta a gʼ ame okûâ hokhnyok ûnyi ge vec;

Roma 5:5

ke haba gejon ame ca ohmehma bi; anyin adre hia but hingâlâ ka hnyi je hnyekuta ibetengiö anyin Khong ûnyi ge Hanu Kap waleji adre ham köta.

Roma 7:24

Ekölö gak, iny at ae kong ut! ie at ame he ka hûgûnö nya ûnyi hnyi unyin eang ae mok?

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

I. Korinito 1:7

wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso;

II. Korinito 1:22

waleji at ame okeceâ hmâ hatöta, me ham köta haten Hanu eû hnyi je hnyekuta.

II. Korinito 7:5

Anyin a waleji hnyi hnöhmun hna o but hnyi Makedonia, ame ca menâ bi je unyihmun, ke öhmun e vec hnyi ta je ke keihen hia; e hu vat hnyi hoton, ke ot eû hnyin.

Galatia 5:5

Anyin ate me halubahingen gejon hnyi hwakecin ae wisa hnen labageju unyi hnyi Hanu.

Efeso 1:14

waleji haten hnân ohnathoâ jekhöûta, ke ne o but adre me he ka omelö tavat adre ûco, hnân ogânâ anyin hmanenang.

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Efeso 5:9

(anyin a haba wan melam, hwakecin ae so hia, ke hwakecin ae wisa me hnathu),

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.