Roma 8:16 - Iaai Bible 1901 (New Caledonia)

¹⁶ Haba Hanu ame ka tha ohnathoâ me je hanuta, a öta je lakon Khong:

Roma 8:16 ပူးပေါင်းရင်းမြစ်များ

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Mataio 5:9

Hnahic hnen tavat adre me öûsoköuâ: anyin adre me he ka hai ödra me lakon Khong.

Luka 20:36

ke ca khanʼ ödra bi he ka mok hmetu: anyin a ödra ûcû me ta je angela; ödra lakon Khong, a lakon möt hmetu ûnyi hnyi hna mok.

Ioane 1:12

Ke haba tavat adre me kap e, wale hnyat adre me labageju ka hnyi ien, me e ame ham kodra man, me adre me lakon dut Khong:

Ta je huliwa 5:32

Ke ohmun ang hnyat ohnathoâ ta je ûnyi e; ke helâe minya Hanu Kap, waleji hnen Khong hna ham kodra tavat adre me long hoton.

Roma 8:14

Anyin a haba tavat ame su ödra Hanon Khong, me ödra thibi e je lakon Khong.

Roma 8:19

Anyin a haba hmeledrany ame halubahingen me ti weny gan hmâ hna omanenâ lakon Khong.

Roma 8:23

Ke ca hake e, ke öta minya hnyat ae hu gata wan a bân anyin Hanu, haba öta ate me mâng minya eû hnyi je hnyekuta, me halubahingen he ka wia me me lakon, wale hna omelö ta je unyita.

Roma 8:26

Helâe minya ame hadruâ anyita sënyin hnen Hanu: anyin ae ca khanʼ öta wia bongon he ka hic; ke hnen Hanu hna sumat hobi köta hnyi mâng ae ca hnân ha bi;

Roma 9:26

Ke haba hnyi dok adre me ha kodra, ka habe, Ca latök bi öbun, Me adre me he ka hai ödra eling, ka habe, Je lakon Khong ae möt balua.

Roma 9:8

Walang bongon, a haba je lakon unyin, me ca je lakon Khong bi ödra; ke haba je lakon hna ha bânâ, me, adre me ha wale je mâtrân.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 1:22

waleji at ame okeceâ hmâ hatöta, me ham köta haten Hanu eû hnyi je hnyekuta.

II. Korinito 5:5

Ke Khong at ame up öhmun hobi kâu e, waleji at ame ham kohmun haten Hanu.

II. Korinito 6:18

Ke oge me he ka Kamöbun, Kʼ öbun e he ka lakuk obaga me wahlu, haingen Than ae khana hia.

Galatia 3:26

Anyin a je lakon Khong öbun hia a deny labageju kö Keriso Iesu.

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Efeso 1:13

waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Deuteronomi 14:1

ÖBUN je laku Iehova Khongubun: ca be öbun ka kavi öbun bi, ke ca he öbun ka ohadreûâ bademaköbun hnyi wanben li emaköbun adre ânyâ can komok.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

I. Ioane 4:13

ke e khanʼ öta a ate me laba eû hnyin hnyekon, ke e bi eû hnyi je hnyekuta, anyin a e ame ham köla Hanon.

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

Hna Omanenâ 21:7

Ame he ka hu ta je ûnyi e hnen at ame ton; me oge me he ka Khongon, ke e ame he ka nokuk.