Roma 8:11 - Iaai Bible 1901 (New Caledonia)

¹¹ Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

Roma 8:11 ပူးပေါင်းရင်းမြစ်များ

Isaia 26:19

Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

Ezekiela 37:14

Ke oge me he ka ip hanûk eû hnyi hnyibun, ke öbun e he ka möt, ke oge me he ka ip öbun hnyi ibun hnyei: me öbun e he ka wâ a inya Iehova at ame ha e, me ânyâ e, haingö Iehova.

Ioane 14:17

wale Hanu ûnyi gan hnathu: ae ca khana bi hmeledrany he ka kap e; anyin adre me ca wâ e, kʼ adre me ca wâhmakhmetoâ e: ke öbun e wâkmakhmetoâ e; anyin a e ame laba unyibun, kʼ ame he ka laba eû hnyi je hnyekubun.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ta je huliwa 2:24

kʼ ame omelö hmetu thö e, me thang ut ta je toiny mok; anyin ae ca khana unyi eling he ka ohmâ e.

Roma 16:10

Anyik talofa kö Apele waleji adre haisoâ unyin Keriso. Anyik talofa ködrin hnyi lap anyi Aristobulo.

Roma 16:3

Anyik talofa kö Perisila, me Akula li at ödre tha huliwa mönya ka Keriso Iesu,

Roma 16:7

Anyik talofa kö Anedroniko, me Junia, a li liamekeiny mönya, li at adre tha cʼ ödru mönya, li at ae lung unyin je aposetolo, a hodru unyin Keriso ka bilik bi.

Roma 16:9

Anyik talofa kö Urbano, waleji at ame tha huliwa möhmun ka Keriso, me Sataki a oûnykûmik.

Roma 6:12

Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e:

Roma 8:1

ANYIN a wale, e ba hmetu hnaûhango kodra unyin Keriso Iesu.

Roma 8:12

Hnyat me lakeiny lö, anyin a wale hanymöta he ka bi hwaban, ca ka hnyi unyin bi, mate me he ka möt hoton unyin:

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

Roma 8:9

Ke öbun ca aten bi unyin, ke ta je aten bi hanu, a ne eû hnyi hnyibun Hanon Khong. Ke a ne ca hu bi ge ke at Hanon Keriso, ca aten bi at eling.

I. Korinito 15:16

Anyin adre ne ca omelö hmetu tavat adre mokcu, awe, adre ca hia but omeli Keriso hmetu bi:

I. Korinito 6:14

ke haba Khong ame omelö hmetu thö Than, me e ame he ka omeli öta hmetu ûnyi ge maniny man.

II. Korinito 4:11

Anyin a haba öhmun hnyat ae möt, adre me hnʼ öhmun bala ka hnyi mok ga Iesu, me me manen minya but hnyi je unyihmun ame he ka bobot möt anyi Iesu.

II. Korinito 4:14

ke e khanʼ öhmun a haba at ame omelö hmetu Than Iesu, ame he kʼ omeli öhmun hmetu minya me Iesu, me tha omanenʼ öhmun mʼ öbun.

II. Korinito 5:4

Anyin a haba öhmun hnyi uma menâ eang, öhmun e mâng, ke hmak; ca anyin ae wehmun he ka uny jut, e so bi mʼ adre me khaûʼ öhmun, me me utâ but mok hnen möt.

Galatia 6:8

Ke haba at ame tä ka hnyi hing unyin bi, me e ame he ka meno hna bobot ûnyi hnyi unyin; ke haba at ame tä ka hnyi Hanu, me e ame he ka meno möt ame ca ba balua ûnyi hnyi Hanu.

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Filipi 3:21

at ame he ka ohâtâ hmetoâ ta je unyita ae kong, mʼ adre me ûcû me unyin ae hmanenang, hoton man at ae khana he ka hom ûhnyûkongoâ ta je ûnyi hia thithö kâu bi.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 11:11

Ke hwaban kun ta bong ke haf, me ame dilic ödru hnen hanuiny möt, ke ödru me todrö; me ame o but ot ae gan hmâ kodra adre me ō ʼdru.