Roma 8:10 - Iaai Bible 1901 (New Caledonia)

¹⁰ Ke a ne eû hnyi hnyibun Keriso, a mokut unyin bi can hulo; ke möt bi hanu can hwakecin ae wisa.

Roma 8:10 ပူးပေါင်းရင်းမြစ်များ

Levitiko 13:40

Ke a ne kolu but leûnen ban ke at, kʼ ame hadreû ban; e bo so but.

Ioane 14:23

Iesu ame thu kâu, ka habe, A ne ke at ame hnyok könya, e ame he ka vheno hok hofuc: ke ame he Cica ka hnyok kâu, ke ohmu me he ka o kâu me tha laba mē.

Ioane 15:5

Inya ang vine, öbun ta je vheiny: Haba at ame he ka laba eû hnyi hnyik, inya minya eû hnyi hnyin, wale at ame wa gan dut: anyin ae ca khanʼ öbun ka ânyâ ke ûnyi öbun e ne ûsâkâûö mönya.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 6:54

Haba at ama an unyik me ijem drök, me hu but kâu möt ame ca ba balua; ke oge me he ka otilâ thö e hnyi bong a obiny.

Ioane 6:56

Haba at ame he ka an unyik me ijem drök, me ame laba eû hnyi hnyik, ke inya bi eû hnyi hnyekon.

Roma 5:12

Anyin a wale, ame o but hulo ka hnyi hmeledrany ûnyi ge at a khaca, kʼ ame o mok can hulo; ke ame o but mok ka tavat hia, anyin ae monu hia:—

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

I. Korinito 15:45

Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt.

II. Korinito 13:5

Elâm dö eû hnyibun, a ne hu labageju gabun; cubic öbun. Hawa, e et khanʼ öbun a Iesu Keriso eû hnyibun? öbun e ne ca monu bi.

II. Korinito 4:11

Anyin a haba öhmun hnyat ae möt, adre me hnʼ öhmun bala ka hnyi mok ga Iesu, me me manen minya but hnyi je unyihmun ame he ka bobot möt anyi Iesu.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Efeso 3:17

me me he Keriso ka laba eû hnyi je hnyekubun hnen labageju; me me he ka hu iwânibun me taben hnyi ibetengiö,

Filipi 1:23

Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua:

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

Heberu 12:23

ke ka hnyi ûkhacaköu ae bekhöt, ke ekalesiainy watö wale adre me sihnalimi ʼdra hnyi drany, ke ka Khong At owisa tavat hia, me ka ta je hanon tavat ae wisa hwakecidra adre obekhötâ,

Heberu 9:27

Adre me ip ka tavat he ka okhaca mok, ke hwaban e ûhnei;

Hna Omanenâ 14:13

Ke oge me löng hofuc ûnyi hnyi drany ame ha könya, ka habe, Sihnalimen ju, ka habe, Hnahic hnen wamok, tavat adre me mok unyin Than hwân walang ang: eke, ame ha Hanu, mʼ adre me menâ thö ûnyi hnyi anyidra ta je huliwa; anyin ame tha hnu hotudra anyidra ta je huliwa.