Roma 8:1 - Iaai Bible 1901 (New Caledonia)

¹ ANYIN a wale, e ba hmetu hnaûhango kodra unyin Keriso Iesu.

Roma 8:1 ပူးပေါင်းရင်းမြစ်များ

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Ezekiela 18:9

ke ame vheno anyik je hnanyibu, ke tuö hnok je hna owisa, ke me ânyâ hnathu; awe, e at ae wisa, e hnathu e ame he ka möt haingen Than Iehova.

Ioane 14:20

Öbun e he ka wâ hnyi bong eling a inya eû hnyi hnyi Cica, ke öbun eû hnyi hnyik, ke inya eû hnyi hnyibun.

Ioane 15:4

Laba ju öbun eû hnyi hnyik, ke inya minya eû hnyi hnyibun. E ca khana vheiny he ka wa thibut, a ne ca tot hnyi vine; ke helâe e ca khanʼ öbun, öbun e ne ca laba eû hnyi hnyik.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Roma 16:3

Anyik talofa kö Perisila, me Akula li at ödre tha huliwa mönya ka Keriso Iesu,

Roma 16:7

Anyik talofa kö Anedroniko, me Junia, a li liamekeiny mönya, li at adre tha cʼ ödru mönya, li at ae lung unyin je aposetolo, a hodru unyin Keriso ka bilik bi.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 5:16

Ke ca tha ûcû bi hna ham bâûâ me at a khaca ame ânyâ hulo: anyin ame o but hna bi hwaban ûnyi ge monu a khaca ka hnyi hnaûhango, ânyin ame o but hna ham bâûâ ûnyi ge je monu ae se hia ka hnyi hna haiwisa.

Roma 7:17

Waleling me me ca inya hmetu bi at ame ânyâ e, ke so bi hulo wale at ame laba eû hnyi hnyik.

Roma 7:20

Ke oge ne ânyâ ûnyi oge me ca wek, awe, ca inya hmetu bi at ame ânyâ, ke so bi hulo, at ame laba eû hnyi hnyik.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

Roma 8:14

Anyin a haba tavat ame su ödra Hanon Khong, me ödra thibi e je lakon Khong.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Roma 8:39

me dok ae görany, me dok ae dit, me ke ûnyi adre hia but op, e ca khana ta je ûnyi e he ka oûsâkâû öta me ibetengiö anyin Khong unyi Keriso Iesu a Tuhöta.

Roma 8:4

me me hwâdâ but ûnyi gata hna hûna hnyi hnanyibu, öta tavat ate me ca hnu hoton unyin ke so bi hanu.

Roma 8:9

Ke öbun ca aten bi unyin, ke ta je aten bi hanu, a ne eû hnyi hnyibun Hanon Khong. Ke a ne ca hu bi ge ke at Hanon Keriso, ca aten bi at eling.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 15:22

Anyin adre mok hia ga Adamu, helâe adre me ke ha omelö hia hmetu ge Keriso.

II. Korinito 12:2

E khanö nya ke aten Keriso waleji fotin je huna ehac, adre kât goranyai ka hnyi drany a kuniny, (e ca khanö nya, ame ne ûnyi hnyi unyin; ke ca khanö nya minya ame ne ca e bi hnyi unyin; e khana thibi Khong).

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Galatia 3:26

Anyin a je lakon Khong öbun hia a deny labageju kö Keriso Iesu.

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Galatia 5:16

Ke inya oge me ha, ka habe, E so öbun e he bala hnyi Hanu, me öbun e ca he ka ânyâ weny unyin.

Galatia 5:25

Ate ne möt hnyi Hanu, awe, e so ate me vheno hnyi Hanu.

Efeso 1:1

INYA Paulo, aposetolo anyin Keriso Iesu ûnyi ge weny Khong, oge me sihnalimen ka wakap hnyi Efeso, me tavat adre me labageju ka Keriso Iesu:

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju: