Roma 7:7 - Iaai Bible 1901 (New Caledonia)

⁷ Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

Roma 7:7 ပူးပေါင်းရင်းမြစ်များ

Genese 3:6

Ke a wâ but momo ûö, a e so hnân han, me hmanenang at ka wâ, me ûö ae ûnyi hnathu, me hnân ometâ at, me haba momo ame tau wan, me han; kʼ ame ham minya ka âiân a tha e mē, me e ame munyi han.

II. Samuela 11:2

Ke haba hnyi sahac Davita ame todrö ûheny hon hnen hna mokut, me ngenu hon uma umen than: ke e ame wâ ûnyi hnyi hon uma ke momo ame soû; ke e te hmanenang momo at ka wâ.

Salamo 119:96

Oge hia but wâ obiny ta je ûnyi hia ae bekhot soiny; Ke lâû hmönyin ânyâm hnanyibu.

Esodo 20:17

U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Mika 2:2

Ke adre me behnyekudra ta hnyei me hûgûnâ; ke ta je uma, me hom bi: ke adre me ovecâ at me anyin lap, wale at me iny hnyei.

Mataio 5:28

ke inya bi oge me ha köbun, ka habe, haba at ame wâ hmâ âiân ke at me behnyekon e, me a hia but bi ûnyi monu mē eû hnyi hnyekon.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 20:16

E ame he ka o me ohia tavat belok, me ham hnyei vine ka keihen. Ke adre me long ut, me haingödra, ka habe, Ekölö, e so e me ca helâe.

Ta je huliwa 20:33

E ba sileva, me gol, me ûkkaû anyin ke at oge behnyekon.

Roma 13:9

Ke walang ka habe, U ca he ka bi ûnyi monu, U ca he ka ûlingö, U me ca he ka venöu, U ca he ka behnyekom, ke a ne hu ke hnanyibu, wale thibi e hnyin hofuc ang, ka habe, U me he ka betenge ge at ame laba hakekenyi u helâ me u bi.

Roma 3:20

anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu.

Roma 3:5

Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.)

Roma 4:1

ANYIN a wale, ate me he ka ha ieû ame wâ hnö Aberahama a kamöta hnyi unyin!

Roma 4:15

anyin a baba hnanyibu ame okûâ hmonyin; anyin ame ne ba hnanyibu, me ba minya hna hanyâûâ.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

Roma 7:11

anyin a haba hulo, ame heleû ûen, me ame iyawo nya hnyi hnanyibu, me hlingö nya ûnyi gan.

Roma 7:13

Hawa, hnân mekiny könya ûnyi ae so? Ohe, ke haba hulo, me me manen dut a e hulo bi, ame okûâ mok könya hnen ûnyi ae so:— me me ti kong gan hmâ hulo hnen hnanyibu.

Roma 7:5

Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

Roma 7:8

ke haba hulo ame heleû ûen, me ame okûâ eû hnyi hnyekuk ûnyi ge hnanyibu je behnyekon hia: anyin a mok ut hulo e ka ba hnanyibu.

I. Korinito 15:56

Haba ûdöiny mok, me wale hulo; ke haba maniny hulo, me wale hnanyibu:

Efeso 5:3

Ke haba bi ûnyi monu, ke ta je hwakecin hia ae ikiki, ke behnyekon, me ca he hmetu bi ka ha unyibun, anyin ae ca ûcû ka wakap;

Deuteronomi 5:21

U ca he ka behnyekom âiân ke at; kʼ u me ca he ka beweny uma umen ke at, me iny hnyei, me athnyabainy a baga, me athnyabainy a momo, me halen bolok, me haleny asina, me ta je ûnyi hia anyin ke at.

Kolose 3:5

Anyin a wale hlingâ ju öbun je ong outhunyibun eang hmeledrany; wale a bi ûnyi monu, me hwakecin ae ikiki, me hnyok wagelue, me weny ae kong, me behnyekon, a wale hmi ka hnatheat;

I. Thesalonika 4:5

ke ca ûnyi bi hnyi hnyok ae ikiki, helâ me Aten ta je hnyei ae ca khanʼ ödra Khong;

Heberu 7:19

(anyin ae ba ke ûnyi ame obekhotâ hnen hnanyibu), mʼ adre me oâ gejon ae beönua, wale deny mʼ ate me hakekeny ka Khong.

Josua 7:21

haba hnyi ûen oge me wâ ûnyi hnyi je ûnyi adre hûgûnâ ke ûkhaûiny Sinara ae so, ke lo li haded je sekel sileva, ke ong gol a fifte je sekel, me oge me behnyekon me hom ta je ûnyi e; ke wâ bi adre ikhâlâ hnyi wanben umök uma mano hnyi kânâ, ke eû hmelen e je sileva.