Roma 7:6 - Iaai Bible 1901 (New Caledonia)

⁶ Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

Roma 7:6 ပူးပေါင်းရင်းမြစ်များ

Ezekiela 11:19

Ke oge me he ka ham kodra hnyok a khaca, me ip eû hnyi je hnyekubun hanu ae teb ûnyi; ke oge me he ka hom but hnyok ae veto hnyi je unyidra, me ham bi kodra hnyok a utiö:

Ezekiela 36:26

Ke oge me he bi minya ka ham köbun hnyok ae teb ûnyi, me ip hanu ae teb ûnyi eû hnyibun; ke oge me he ka hom hnyok ae veto ûnyi hnyi je unyibun, ke oge me he ka ham köbun hnyok ae utiö.

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 6:11

Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.

Roma 6:19

Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap.

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 6:22

Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua.

Roma 6:4

Anyin a wale adre me tha konim öta më hnen hna bapataiso ka hnyi mok: mʼ ate me he ka vheno möt ae teb ûnyi, helâ me adre me otilâ Keriso ûnyi hnyi hna mok hnen hmanenanginy Kamen.

Roma 7:1

HNYAT me lakeiny lö, e ca khanʼ öbun (anyin a inya oge me ha ka! tavat ae khanʼ ödra wia hnanyibu,) a gʼ ame muso at hnen hnanyibu hnyi ûen anyin möt hia?

Roma 7:2

Anyin a haba momo ae hu âiân ame ca thö hnen hnanyibu ka âiân ke tiga möt âiân a baga; ke e ka mokcu baga, me adre me thang ut momo ûnyi hnyi hnanyibu ge baga.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Galatia 6:15

Anyin ae ca ûnyi hnathu peritom me ca peritom, ke so bi at ae teb ûnyi.

Efeso 4:24

me khaûʼ öbun ge ûkhaû wale at ae teb ûnyi, waleji adre op helâ me Khong hnyi hwakecin ae wisa, me kwakecin ae kap me hnathu.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e: