Roma 7:4 - Iaai Bible 1901 (New Caledonia)

⁴ Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

Roma 7:4 ပူးပေါင်းရင်းမြစ်များ

Isaia 54:5

Anyin a âiâm bi at a up u: haba ien, me Iehova tuhan sabaoth: ke haba at a ûcû melam, me Kabi Isaraela; adre me he ka hawâ e me Khongon hmeledrany hia thithö.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Mataio 26:26

Ke ödrin e tiga han, me Iesu ame hom areto, me oleâ, me thuthu; ke e ame ham ka laten me ha ködrin, ka habe, Hom dö, an ju; walang unyik.

Mareko 4:20

Ke walang je hna jijingâ hon kânâ ae hoso; a tavat adre me long hofuc, me kap, me hu wan dut, ûsa thote, me sikste, me wan haded.

Ioane 15:8

Hnân ogânö Cica, öbun ka he ka wa gan hmâ; ke helâe öbun e he ka bi latök.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Roma 6:11

Helâe minya, ûnykûme ju öbun a öbun e mok ka hnyi hulo, kʼ öbun e möt bi ka Khong ga Iesu Keriso.

Roma 6:14

Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 6:22

Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua.

Roma 7:3

Anyin a wale a ne tha e momo me ke baga bi, ke tiga möt âiân, me adre me he ka hâiâ momo eling a e at bi ûnyi monu: ke e ka mokcu âiân, me! ûnyi baû but hnyi hnanyibu, waleling me me ca at bi ûnyi monu hmetu bi, e ka be ka ihok me ke baga.

Roma 7:6

Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 10:16

Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso?

II. Korinito 11:2

Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Galatia 5:18

Ke so bi a ne lili öbun Hanu, me ca öbun bi hnyi hmelen hnanyibu.

Efeso 2:15

kʼ ame ohia hnen hing unyin iwahnaihmiony, wale hnanyibu adre me hûna, a ta je hwakecin adre otilâ; me me he ka op ûnyi ge li at a lo ke at a teb ûnyi, me me hu ûsoköu bi;

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 4:17

Ke oge me ca elâm bwihlany; ke oge me heleû wan bi, me me se hia but troban köbun.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

Kolose 1:22

hnyi unyin wale viny ûnyi ge mok, me me he ka omanenʼ öbun hnyi hnyimakan, a tavat ae kap, me ba okongon, me ba hnân haikongoâ:

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Kolose 2:14

ke e ame kot degecâ hna sihnalimen ta je hna hûna ae iwahnaihmiony mʼ öta, me ûcû öta, ke e ame hia but hom degecâ e ûnyi hnyi wanben, kʼ ame thu faoiny hnyi anyin satauro;

Kolose 2:20

Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe,

Heberu 10:10

Ke adre we okabi öta hnen weny eling, hnyi hna okhaca hudo unyi Iesu Keriso.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

Hna Omanenâ 19:7

E so ate me senyin me hobâ, ke so ate me ham kâu hna ogânâ: anyin ame o but Arenio he ka faipoipo, ke a hia but âiân hamen penapena e.

Hna Omanenâ 21:9

Ke ame o but könya ke at hnyi je angela a seven hnyat ae hu je kaia a seven ae unöngöt ge je mok a seven a biliny; me e ame ûhnenamö mönya, me ha, ka habe, Aiö u, oge me he ka omanenâ köu hlu âiân Arenio.