Roma 7:24 - Iaai Bible 1901 (New Caledonia)

²⁴ Ekölö gak, iny at ae kong ut! ie at ame he ka hûgûnö nya ûnyi hnyi unyin eang ae mok?

Roma 7:24 ပူးပေါင်းရင်းမြစ်များ

I. Je Than 8:38

haba je hic hia me hna sumat hia hnen ke at, ame ne lakem a Isaraela hia, a tavat adre me ve wâhmakhmetoâ vecin je hnyekudrin, me hai li hnyamödrin ka hnyi uma ang:

Salamo 102:20

He ka long mâng anyin at adre ca; He ka thang tavat adre me he ka hlingâ;

Salamo 119:131

Inya oge me memang, me mokhon hwege; Anyin oge me wek gan hmâ ka ânyâm ta je hnanyibu.

Salamo 119:143

Ame hia but o könya vec me hmak: Ke inya oge me senyin ge ânyâm ta je hnanyibu.

Salamo 119:176

Oge hia but he monu helâ me mamoe a hia; ö u elom nya, Anyin oge me ca hnying ânyâm ta je hnanyibu.

Salamo 119:20

Ame hmouca but hanuk hnen weny ae gan hmâ Hnyi je bong hia ka hnyi hnâm ta je hna owisa.

Salamo 38:2

Anyin ame aat dö ânyâm je fana könya, Ke u je hlic nya hwegiö nya ge hnyamâm.

Salamo 6:6

Iny sënyin dut ge anyik mâng; Ame uoû hnok hna mokut ge tenge hnyi je lit hia; Oge me okhubetâ hnok hna mokut ge deköien li emakök.

Salamo 71:11

Haiugödra, ka habe, A hia but Khong hna degecâ e: Wadring dö hoton me kât e; anyin ae ba at ame he ka omelo.

Salamo 72:12

Anyin a e ame he ka omelo at ae ba ta ûnyi e ka tenge; Me at ae vec waleji ae ba at he ka hadruâ,

Salamo 88:5

Wale at adre hna baûâ unyin je komok, Helâ me tavat adre hia but hlingâ adre me mokut hnyin erkemok, Waleji u me ca ûnykûme hmetu bi; Kʼ adre subâ degecâ bi ûnyi hnyi hnyamâm.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Mika 7:19

Ke e ame he ka hmetuhmetu me betenge gata; e ame he ka uto anyita je hulo hmelen li can: ke u me he ka khûâ anyidra ta je monu hia thithö ka hnyi köiö hnyi dok ae dit.

Mataio 5:4

Hnahic hnen tavat adre me tenge, anyin a adre me he ka otubweli ödra.

Mataio 5:6

Hnahic hnen tavat adre me bean ke beijem hwakecin ae wisa; anyin adre me he ka osekuni ödra.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Roma 6:6

ke khanʼ öta a gʼ adre me tha osatauroâ më bonguta ehac, me me hia but unyin ae hulo, mʼ ate me ca he ka bâ ge hulo;

Roma 8:13

anyin a öbun e ne möt hoton unyin, hamöbun he ka mok; ke öbun e ne hlingâ ta je huliwa hnyi unyin ge hanu, öbun e he ka möt.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

Roma 8:23

Ke ca hake e, ke öta minya hnyat ae hu gata wan a bân anyin Hanu, haba öta ate me mâng minya eû hnyi je hnyekuta, me halubahingen he ka wia me me lakon, wale hna omelö ta je unyita.

Roma 8:26

Helâe minya ame hadruâ anyita sënyin hnen Hanu: anyin ae ca khanʼ öta wia bongon he ka hic; ke hnen Hanu hna sumat hobi köta hnyi mâng ae ca hnân ha bi;

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;

II. Timoteo 4:18

Ke ame he Than ka omeli nya ûnyi hnyi ta je huliwa hia thithö ae kong, ke e ame he ka omeli nya ke ne o but ka hnyi dokhon dokhu ethö hnyi drany: e so adre me ogânâ e nyiele nyiele balua. Amen.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 2:15

me thong ödra but a tavat adre me hom ûhnyûkongu ödra hnen outen mok hnyi bongudra ta je bong hia thitbö.

Hna Omanenâ 21:4

ke e ame he ka kot degecâ ta je deköiö hia ûnyi hnyi ta je emaködra; ke ba hmetu bi mok; keʼ ba hmetu bi hnyok ae hmak, me tenge, me vec: a hia but ta je ûnyi a bân.