Roma 7:22 - Iaai Bible 1901 (New Caledonia)

²² Anyin oge me senyinâ hnanyibu anyin Khong ûnyi ge at eû hnyi hnyik:

Roma 7:22 ပူးပေါင်းရင်းမြစ်များ

Jobu 23:12

Oge ca hia but saûâ degecâ hnanyibu ûnyi hnyi li esongodiny; Oge hia but oûnyihnatho hofuc a hwan, hon ök jeû.

Salamo 1:2

Ke haba hnanyibu anyi Iehova, me wale anyin senyin; Kʼ ame labö ûnykûme ge anyin hnanyibu hnyi lany me lit.

Salamo 119:111

Oge hia but hom hnâm ta je hna ohnathoâ hnân jekhöûk nyiele balua; Anyin ame osenyinâ hnyekuk.

Salamo 119:113

Hûkötiânök tavat adre me hnyok lo; Ke oge me hnyokâ ânyâm hnanyibu.

Salamo 119:127

Anyin a wale inya oge me hnyok ka ânyâm ta je hnanyibu Hon gol, eke, hon gol ae so.

Salamo 119:16

Oge me he ka hobâ ge hnâm ta je hna otilâ: Oge me ca he ka hnying hwâm hofuc.

Salamo 119:167

Haba hanuk, me, ame hia but vheno hnâm ta je hna ohnatho; Ke oge me hnyok gan hmâ kâu.

Salamo 119:174

Iehova lö, oge me ti wek hmönyinâ ânyâm ûhomeli; Ke oge me senyin ge ânyâm hnanyibu.

Salamo 119:24

Hnân osenyini nya hnâm ta je hna ohnatho. Kʼ ame nö nya hnyi anyik ûhnenamö.

Salamo 119:35

Su nya thö hnyi gethen deny ânyâm ta je hnanyibu; Anyin oge me senyinâ e.

Salamo 119:72

E beönua soiny könya hnanyibuiny hnyimâm Hon je thauzan gol me sileva.

Salamo 119:92

Oge ne ca senyinâ ânyâm hnanyibu, Ma hiö nya but hnyi anyik vec.

Salamo 40:8

Khonguk lö, oge me senyin he ka ânyâ wem; Eke, eû hnyi hnyekuk ânyâm hnanyibu.

Khumöng Hwanyi Solomona. 5:3

Oge me uny anyik ukot; oge ma kâmâu ka khavâ hmetu! Oge me hneû li cak; oge ma kâmâu ka okongoâ hmetu?

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Levitiko 13:39

me ame he at bihut ka wâ: ke wâ bi, ame ne löhau je ong dok ae hadröngöc hnyi unen unyidrin; wale thibi okhicö ame kû hnyi unen: e ame bo so.

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Roma 2:29

ke e at Juda bi a helâe eû hnyin; ke haba peritom, e bi hnyi hnyok, me hanu, ke ca e bi hnyi tusi; wale ame ca ogânâ bi hnen at, ke so bi hnen Khong.

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

II. Korinito 4:16

Wale me öhmun e ca sënyin bi; eja ke ne a ne bobot tot je unyihmun hnyi hoton, adre me ohâtâ hnyi je bong hia at eû hnyin.

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Kolose 3:9

ca uthoiköu bi, anyin a öbun e hia but uny degecâ at adrem me ta je hwakecin,

Heberu 8:10

Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

I. Peteru 3:4

ke so bi he ka omecâ at ae iyong eû hnyi hnyok, wale ûkhaû ame ca he ka bobot, wale hnyok ae menyik me ilemuk, wale ûnyi ae ûnyi hnathu hmonyin hnyi hnyimakan Khong.