Roma 7:18 - Iaai Bible 1901 (New Caledonia)

¹⁸ Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.

Roma 7:18 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Jobu 14:4

Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.

Jobu 25:4

Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?

Salamo 119:173

E so e penapena hnyamâm ka hadruo nya; Anyin oge hia but ûca ânyâm ta je hnanyibu.

Salamo 119:176

Oge hia but he monu helâ me mamoe a hia; ö u elom nya, Anyin oge me ca hnying ânyâm ta je hnanyibu.

Salamo 119:32

Oge me he ka wadringâ deny ânyâm ta je hnanyibu. U ka he ka ogânâ hnyekuk.

Salamo 119:40

Bethe wâ bi, oge me wek hwegiâ ânyâm ta je hnanyibu: Omeli nya thö hnyi ânyâm wisa.

Salamo 119:5

E na tethmâ ju dek ta je gethen He ka vheno ânyâm ta je hnanyibu!

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Ioane 3:6

Haba hna hnokoâ ûnyi hnyi unyin, me wale unyin bi, ke haba hna hnokoâ ûnyi hnyi Hanu, me wale hanu bi.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 7:15

Anyin a haba hnok hna ânyâ, me ca khanö nya: anyin oge me ca ânyâ ûnyi oge me wek he ka ânyâ; ke oge me ânyâ ûnyi oge me hûkotiâ bi.

Roma 7:19

Anyin oge me ca ânyâ ûnyi ae so a wek bi, ke oge me ânyâ bi hulo wale oge me ca wek.

Roma 7:25

Inya oge me ole ka Khong deny Iesu Keriso a Tuhöta. Waleling mʼ inye bi athnyabainy hnanyibu anyin Khong ge hnyekuk: ke hnanyibu anyin hulo ge unyik.

Roma 7:5

Anyin a tiga öta bi hnyi unyin, haba ta je weny ae kong ûnyi hnyi hnanyibu ame huliwa hnyi je outhunyita he ka wa wan ka hnyi mok.

Galatia 5:17

Anyin a haba unyin ame ûö bi ûnyi me Hanu, ke haba Hanu ame ûö bi ûnyi me unyin; anyin a ödru li at ûö bi ûnyi köu ödru; waleling me öbun e ca ânyâ bi ûnyi ame webun.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Filipi 3:12

Ca ûnyi bi hnyi hnok hna hu walang ang, ke ca ûnyi minya bi hnyi bekhöt a soik walang ang: ke so bi inya bala oge me hnu hoton, me inye he ka kât ûnyi ame kot nya ka hnyin Keriso.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.