Roma 6:2 - Iaai Bible 1901 (New Caledonia)

² Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 6:2 ပူးပေါင်းရင်းမြစ်များ

Genese 39:9

ke ba at ae beönua huk hnyi hnyaba eang; ke e ame ca behânâ gak ke ûnyi ke u thiju, anyin a u bi âiân: oge ma hawa ka ânyâ monu e ae gan, ke kong ka Khong?

Salamo 119:104

Oge me wâhmakhmeto a deny ânyâm ta je hnanyibu: Anyin a wale hûkötiânök ta je gethen hia ae thoi.

Luka 20:16

E ame he ka o me ohia tavat belok, me ham hnyei vine ka keihen. Ke adre me long ut, me haingödra, ka habe, Ekölö, e so e me ca helâe.

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

Roma 7:4

Hnyat me lakeiny mönya lo, helâe minya öbun, Öbun e mok ut ka hnyi hnanyibu hnen unyin Keriso; me öbun e he ka ihok me ke at, waleji adre omelö hmetu ûheny hnyi hna mok, mate me he ka wa wan ka Khong.

Roma 7:6

Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

Galatia 2:19

Anyin oge mok ut ka hnyi hnanyibu ûnyi ge hnanyibu, mʼ inye he ka möt bi ka Khong.

Galatia 6:14

Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.

Kolose 2:20

Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe,

Kolose 3:3

Anyin a öbun e mokcu, ke adre tha ikhâlâ anyibun möt me Keriso unyin Khong.

I. Peteru 1:14

e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Ioane 3:9

Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.