Roma 6:12 - Iaai Bible 1901 (New Caledonia)

¹² Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e:

Roma 6:12 ပူးပေါင်းရင်းမြစ်များ

Genese 4:7

U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

Salamo 119:133

Lelö ju li cak ka hnyi hwâm hofuc; Ke ca hna but hulo he ka musi nya.

Salamo 19:13

Ö u thawâ ju athnyabaem mʼ oge me ca bi gan; Kʼ ame ca he ûnyi eling ka musi nya: me me wisa hwakecik, Ke ba hnyikonguk ûnyi ge hna hanyâûâ ae gan hmâ.

Levitiko 13:40

Ke a ne kolu but leûnen ban ke at, kʼ ame hadreû ban; e bo so but.

Numera 33:55

Ke öbun e ne ca obâ aten hnyei hni hnyimaköbun, awe, ame he je kolon gadra ka helâ me wajua hnyi je emaköbun, ke helâ me ûnyi hnân ûdö je vhaköbun, ke adre me he ka oveci öbun hnyi hnyei öbun e he ka labā.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 6:14

Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.

Roma 6:16

E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa?

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

Roma 8:13

anyin a öbun e ne möt hoton unyin, hamöbun he ka mok; ke öbun e ne hlingâ ta je huliwa hnyi unyin ge hanu, öbun e he ka möt.

II. Korinito 4:11

Anyin a haba öhmun hnyat ae möt, adre me hnʼ öhmun bala ka hnyi mok ga Iesu, me me manen minya but hnyi je unyihmun ame he ka bobot möt anyi Iesu.

II. Korinito 5:4

Anyin a haba öhmun hnyi uma menâ eang, öhmun e mâng, ke hmak; ca anyin ae wehmun he ka uny jut, e so bi mʼ adre me khaûʼ öhmun, me me utâ but mok hnen möt.

Galatia 5:16

Ke inya oge me ha, ka habe, E so öbun e he bala hnyi Hanu, me öbun e ca he ka ânyâ weny unyin.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Deuteronomi 7:2

ke e ka he Iehova Khongom ka hnʼ ödra hnyi hnyimâkâm; awe, u me he ka kuc ödra me ti ohiʼ ödra hia; u me ca he ka ûhihinyköu mödra, me betenge gadra:

I. Thesalonika 4:5

ke ca ûnyi bi hnyi hnyok ae ikiki, helâ me Aten ta je hnyei ae ca khanʼ ödra Khong;

II. Timoteo 2:22

Kec dö ge ta je weny wahidröu, ke hnu hoton hwakecin ae wisa, me labageju, me ibetengiö, me ûsoköu, tha e mʼ ödra hia adre me hawâ ien Than, ûnyi hnyi hnyok ae kalaöt.

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Peteru 1:14

e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;

Juda 1:16

Ödra tavat ulit, me tavat fuc, adre me he hoton ta je wedra ae kong (ke ame fufuc je hnyimödra) kʼ adre me ogânâ at me me hu troban bi kodra.

Juda 1:18

adre ha köbun, ka habe, Ame he ka o hnyi ûen a biliny tavat ûhiö, adre me hnu hoton ta je wedra ae ca ûcû me Khong.

Owisa 2:3

Anyin a wale oge me ha, ka habe, Oge me ca he ka obʼ ödrin hnyi hnyimaköbun; kʼ ödrin e he ka helâ me je ûdö hnyi je vhaköbun, ke haba je khongudrin, me, hnân hnewe köbun.