Roma 5:2 - Iaai Bible 1901 (New Caledonia)

² a deny e adre hia but hnʼ öta ûnyi ge labageju ka hnyi ibetengiö baû eang ate me tot hnyin; ke so ate me senyin me gejon hmanenanginy Khong.

Roma 5:2 ပူးပေါင်းရင်းမြစ်များ

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 73:24

U me he ka su nya ge hnâm hna ûhnenamö, Ke hwaban dö e u me he ka hum nya ka hnyi hmanenang.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Ioane 10:7

Haba Iesu ame ha hmetu ködra, ka habe, E hnathu, e hnathu, inya oge me ha köbun, ka habe, Inya ang homagöule hobi kâu ta je mamoe.

Ioane 10:9

Inya ang homagöule, a ne ke at ame didro unyik, e ame he ka möt, me didro me didrut, kʼ ame he ka wâ jeû.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

Roma 11:20

Eke, adre subâ degeci ödra ûnyi hnyi ca labageju, ke u je tethmâ ûnyi hnyi ânyâm labageju. Ca bi gan, ke ot ju:

Roma 12:12

senyin hnyi gejon; hokhnyokâ ju vec; labö hic bala;

Roma 14:4

Anyin a u ia at ame ûnykûme athnyabainy ke at? e ka tethmâ, ke e ka ū bi, me hamen tuhan bi. Eke, adre me he ka otethmâ e, anyin ae khana Than he ka otethmâ e.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 3:23

anyin ae kong tavat hia, kʼ adre me ca o ka hnyi hmanenanginy Khong,

Roma 5:5

ke haba gejon ame ca ohmehma bi; anyin adre hia but hingâlâ ka hnyi je hnyekuta ibetengiö anyin Khong ûnyi ge Hanu Kap waleji adre ham köta.

Roma 8:1

ANYIN a wale, e ba hmetu hnaûhango kodra unyin Keriso Iesu.

Roma 8:24

Anyin adre me omeli öta ûnyi ge geju: ke haba geju ae manen me ca geju bi eling: anyin a ie at ame gejon ûnyi e ame wâ?

I. Korinito 15:1

HNYAT me lakeiny lö, inya oge me omanenâ köbun ûthumetu ae so, waleji oge me omanenâ köbun, kʼ öbun e kap, me tethmâ hnyin,

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:17

Anyin a haba anyihmun vec ae hâhâ, wale ame ie hia, ame huliwan gan hmâ tot hobi kohmun hmanenang ae hmak ke nyiele balua;

Efeso 2:18

ke hu but gata hia ûnyi gan gethen ka Kamen ûnyi ge Hanu a khaca.

Efeso 3:12

e hu but gata ûnyi gan tang hwege me gethen he ka didro, me gejon ûnyi ge labageju kâu.

Efeso 6:13

Anyin a wale hom dʼ öbun je omjehen hia vat ûnyi ge Khong me me khanʼ öbun he ka tethmâ hnyi bonginy monu, ke at ka ânyâ ta je ûnyi hia thithö, tethmâ ju öbun.

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

Heberu 3:6

ke so bi Keriso ame musi hnyi hnyaban, helâ me nokon; ke haba öta bi hnyaban eling, öta ka he ka kât hmâ ke ne o but obiny tang hwege me senyin hnyi geju.

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

Hna Omanenâ 21:11

ke hu hmanenanginy Khong hnyin: ke haba melaminy me helâ me veto ae gan hmâ hmonyin hwaban, ke helâ me veto jasepi ae alai:

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin:

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.