Roma 5:1 - Iaai Bible 1901 (New Caledonia)

¹ ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 5:1 ပူးပေါင်းရင်းမြစ်များ

Jobu 21:21

Anyin a ewa anyin senyin ka anyin lap hwaban e, Hnyi ûen adre hia but subâ degecâ ûseiny je tehiny hnyi wanben?

Salamo 122:6

Hic ju, me me hnahic Jerusalema: Ame he ka hu sot ka tavat adre me hnyok köu.

Isaia 27:5

Ke walang khaca, e so e ame kât tang hwegiök, me me ûsoköu mönya.

Isaia 32:17

Ke haba troban hwakecin ae wisa, wale ûsoköu, ke haba obiny hwakecin ae wisa wale laba hnahic me laba khötkic nyiele balua.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Habakuka 2:4

Wâ bi, ame bi gan hnyekon, kʼ ame ca fofâ bi eû hnyin: ke ame he at ae wisa hwakecin ka möt hnen anyin labageju.

Zakaria 6:13

ke e ame he ka op uma umo Iehova; ke e ame he ka vadren hmanenang, ke e ame he ka laba me musi hon anyin theron; ke e ame he ka at bihut hon anyin theron: ke ame he ka e bi hnyi wanbödru ûhnenamoiny ûsoköu.

Luka 19:38

haingödra, ka habe, Hnahic hnen At musi ame o but hnyi ien Than: hnahic ethö hnyi drany, ke hmanenang ethö hnyi dok ae görany hmonyin.

Luka 19:42

me ha, ka habe, A ne khanö u hnyi bongom bong eang ta je ûnyi a hanen hnahic! ke walang ang adre me ikhâlâ hnyi li emâkâm.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Roma 1:17

Anyin ame manen dut hnyin e hwakecin ae wisa anyin Khong ûnyi ge labageju, mʼ adre me he ka labageju: helâ me hna sihnalimen, ka habe, Ame he ka möt tavat ae wisa hwakecidra ûnyi ge labageju.

Roma 1:7

e so e he ka ê unyibun betenge baû me hnahic ûnyi ge Khong a Kamöta me Than Iesu Keriso; ka tavat hia e Roma, je oûnykûmen Khong, me hna hawâ hnân tavat ae kap.

Roma 10:10

anyin a hnyok at ame labageju ke ne o but hnyi hwakecin ae wisa; ke hnyem at ame ha ke ne o but hnyi möt.

Roma 10:15

ke adre me he ka kâmâu ka khet, kʼ adre me ca kunʼ ödra bi? helâ me hna sihnalimen, ka habe, Shaiba ge soiny je li cadra adre me hom je ûthumetu ae so onyen!

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 15:33

E so e unyibun hia thithö Khongon hnahic. Amen.

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Roma 3:30

awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju.

Roma 4:5

Ke haba at ame ca huliwa, kʼ ame labageju thibi ka at ame haiwisa at ae kong hwakecin; baba anyin bi labageju, me adre me he ka ha a hnân hwakecin ae wisa.

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Roma 5:18

Anyin adre me ohnaûhangoâ tavat ae se hia ûnyi ge monu a khaca; helâe minya ame o bwihlany ka tavat hia ame haiwisʼ ödra mʼ adre me möt ûnyi ge hwakecin ae wisa a khaca.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Roma 9:30

Anyin a wale, ieû ate me he ka ha? A gʼ ame hu hwakecin ae wisa ge Aten ta je hnyei, waleji adre me ca hnu hoton hwakecin ae wisa, wale a hwakecin ae wisa hoton labageju:

Galatia 2:16

e khanʼ öta a gʼ adre me ca haiwisa at ge ta je huliwainy hnanyibu, ke so bi hnen labageju kö Iesu Keriso, öta minya ang tavat otin e labageju kö Keriso Iesu, mʼ adre me he ka hai wisʼ öta hnen labageju ka Keriso, ke ca hnen bi ta je huliwa hnyi hnanyibu: anyin ae ba at me khaca adre me he ka haiwisa hnen ta je huliwa hnyi hnanyibu.

Galatia 3:25

Ke walang ang ame o but labageju, me ame ca musi öta hmetu bi hnen at ûne.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.

Kolose 3:15

Ke so ame he ûsoköu anyin Keriso ka muso je hnyekubun, waleji adre hawʼ öbun ka hnyin hnyi unyin a khaca: ke oleâ bala ju öbun.

I. Thesalonika 5:23

Ke so ame he Khongon hnahic ka tha okabi öbun; e na tuö ju je hanubun hia thithö, me je hnyekubun, me je unyibun, me me ba hnyikongon, e ka o hmetu Tuhöta Iesu Keriso.

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,