Roma 4:25 - Iaai Bible 1901 (New Caledonia)

²⁵ waleji at adre hna but can anyita ta je hulo, ke adre omelö hmetu thö e hnân he ka haiwisʼ öta.

Roma 4:25 ပူးပေါင်းရင်းမြစ်များ

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Korinito 15:17

ke adre ne ca omeli Keriso hmetu bi, me ûnyi bâu anyibun labageju; ke öbun bala hnyi anyibun ta je hulo.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

Roma 5:18

Anyin adre me ohnaûhangoâ tavat ae se hia ûnyi ge monu a khaca; helâe minya ame o bwihlany ka tavat hia ame haiwisʼ ödra mʼ adre me möt ûnyi ge hwakecin ae wisa a khaca.

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.

Isaia 53:4

E hnathu e ame hia but vadren anyita ta je hlöuhlöu, ke hom tilâ anyita ta je vec: ke ate me ûnykûme e a gʼ adre hom oûhnyûkongoâ, a gʼ ame kot e ge Khong, kʼ adre ovecâ.

II. Korinito 5:15

ke e ame mok hobi kâu tavat hia, mʼ adre me ca he hmetu ka möt kodra bi tavat ae möt, ke so bi kâu at a mok me möt hmetu thö hobi kodra.

Galatia 2:20

Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya.

Heberu 8:3

Anyin adre otilâ tavat bihut hia ae nua, mʼ adre me he ka hudo ta je bwihlany me ta je hut: anyin a wale, e ûcû kâu he ka hu ke ûnyi minya hnân he ka hudo.