Roma 4:17 - Iaai Bible 1901 (New Caledonia)

¹⁷ (helâ me hna sihnalimen, ka habe, Oge hia but wiö u hnân kamen ta je hnyei ae se hia) hnyi hnyimakan Khong, at ame omelö hmetu thö tavat adre mokcu, me hâiâ ta je ûnyi ae ba, helâke me e but ang.

Roma 4:17 ပူးပေါင်းရင်းမြစ်များ

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 17:20

Ke so bi oge hia but ling u ga Isamaela: wâ bi, oge hia but hahnahicâ, me oge me he ka ohâtâ e, me ösiâ gânâ but e; e ame he ka hnokoâ ta jo taben a twelv, me oge me he ka wia e me me kamen ta je hnyei ae se hia.

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 44:7

Ke ia ame he ka hongot helâ mönya, me haimemenâ, me penapena hobi könya, hwân hnyi hnok hna ip tavat kâû adrem? ke so adre me he ka haimemenâ ta je ûnyi ame he ka o, me ta je ûnyi ame he ka aat dö.

Isaia 48:13

Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 6:63

Haba at ame omelö, me hanu; ke ca ûnyi hnathu bi unyin: haba ta je hofuc oge hia but ha köbun, wale hanu me möt.

Ta je huliwa 15:18

Haingen Than, at ame haimemenâ ta je ûnyi e hwân hnyi hna op hmeledrany.

Roma 3:29

Hawa, e Khongon at Juda thibi? ke ca Khongon Aten minya bi ta je hnyei? Eke, me Aten ta je hnyei minya:

Roma 4:18

Waleji ae ba hnân gejon unyin, ke e ame labageju me gejon a e ame he ka kamen ta je hnyei ae se hia, hoton hna ha, ka habe, Ame he ka helâe je mâtrânâm.

Roma 4:2

Anyin adre ne haiwisai Aberahama ûnyi hnyi huliwa, me hu but kâu hnân ohobeluâ; ke ba bi ge Khong.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

Roma 9:11

ke tiga ca hnokoâ bi, ke ba minya so me hulo ödru me ânyâ, haba me me tethmâ ju hna uny kûme hnen Khong hoton hnen hna ûca, ca ûnyi ge huliwa, ke ûnyi bi gan at ame hawâ,

Roma 9:26

Ke haba hnyi dok adre me ha kodra, ka habe, Ca latök bi öbun, Me adre me he ka hai ödra eling, ka habe, Je lakon Khong ae möt balua.

I. Korinito 1:28

ke haba Khong ame ûca ta je ûnyi baû hnyi hmeledrany, me ta je hna hûkotiâ, me ta je ûnyi ae ba, he ka ohia ta je ûnyi ae manen:

I. Korinito 15:45

Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt.

I. Timoteo 6:13

Inya oge me hûna köu hnyi hnyimakan Khong at ame tuö möt anyin ta je ûnyi hia thithö, me Keriso Iesu, at ame haimemenâ so hnyi hnyimakö Ponetio Pilato;

Heberu 11:12

anyin a wale ame o but ûnyi ge at a khaca, ke helâke me e at ae mok, ödra se hia helâ me ta je okhûiny drany, ke helâ me önyin köiö, a ca hnân aû.

Heberu 11:3

Ate me wâ hnen labageju a gʼ adre me ânyâ ta je ûnyi hia thithö hnen hofuc hwan Khong, me adre me ca op ta je ûnyi adre me wâ ûnyi hnyi ta je ûnyi ae manen.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

I. Peteru 2:10

waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.

II. Peteru 3:8

Hnyat a oûnykûmik lö, ca he öbun ka hnying hofuc ang a khaca, ka habe, haba hnyi hnyimakan Than, me bong a khaca helâ me wan thauzan ta je huna, ke haba ta je huna a wan thauzan, me ûcû thibi me bong a khaca.