Roma 4:16 - Iaai Bible 1901 (New Caledonia)

¹⁶ Anyin a wale me ûnyi hnyi labageju, me me he ka hoton ibetengiö baû; me me tethmâ hna ha bânâ hobi kâu je mâtrân hia; ca hake kodra hnyi hnanyibu thibi, ke kodra minya hnyi labageju anyi Aberahama, waleji a kamöta hia thithö,

Roma 4:16 ပူးပေါင်းရင်းမြစ်များ

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Luka 19:9

Ke haba Iesu ame ha kâu, ka habe, A o but möt ka hnyi hnyaba eang hnyi bong ang, anyin a walang ke at nöku Aberahama.

Roma 15:8

Anyin a inya oge me ha, ka habe, haba Keriso ame bi athnyabainy peritom hobi kâu hnathu anyin Khong, me me he ka ohmâ hna ha bânâ ka lakamöta,

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Roma 3:30

awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju.

Roma 4:11

ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 9:8

Walang bongon, a haba je lakon unyin, me ca je lakon Khong bi ödra; ke haba je lakon hna ha bânâ, me, adre me ha wale je mâtrân.

Galatia 3:14

me me o but hnahic anyi Aberahama ka Aten je hnyei ga Keriso Iesu; me me hu thö köta hnen labageju Hanu adre ha bânâ.

Galatia 3:16

Ke adre ha ta je hna ha bânâ kö Aberahama me mâtrâniny. E ame ca ha, ka habe, Ka ta je mâtrân, helâke me se hia; ke helâke me khaca thibi, ka habe, Ka mâtrânâm, wale Keriso.

Galatia 3:22

Ke haba hnyi hna sihnalimen adre hia but thelöng ta je ûnyi hia hnyi hmelen hulo, mʼ adre me he ka ham ka tavat labageju hna ha bânâ ûnyi hnyi labageju kö Iesu Keriso.

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Tito 3:7

me me hwajekhöûta hoton gejon ka hnyi möt ame ca ba balua, anyin adre me haiwisʼ öta ûnyi ge anyin ibetengiö baû.

II. Peteru 1:10

Anyin a wale, hnyat me lakeiny lö, hwege thʼ öbun he ka ohwâdâ hna hawʼ öbun, ke hna ûcʼ öbun: anyin a öbun e ne ânyâ balua ta je ûnyi e me öbun e ca he balua ka thö: