Roma 4:13 - Iaai Bible 1901 (New Caledonia)

¹³ Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

Roma 4:13 ပူးပေါင်းရင်းမြစ်များ

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 2:8

Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

Salamo 72:11

E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.

Ta je huliwa 13:32

Ke ohmu me khetâ köbun uthumetu ae so, a haba hna ha bânâ ka lakamöta,

Roma 4:12

ke e kamen peritom minya ka tavat adre peritomoni ödra, ke hnyat minya adre me he hnyi hwadeny hnyeûcan labageju anyi Aberahama a kamöta, kʼ ödra tiga ca peritomonâ bi.

Roma 9:8

Walang bongon, a haba je lakon unyin, me ca je lakon Khong bi ödra; ke haba je lakon hna ha bânâ, me, adre me ha wale je mâtrân.

Galatia 3:29

Ke öbun e ne laten Keriso, awe, öbun je mâtrâni Aberahama, a tavat tren hwajekhoû helâ me hna ha bânâ.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Heberu 7:6

ke haba at a ca tha deo lakiben mʼ ödra, me e ame kap ûnyi ga Aberahama ke keihen a libenyitainy ta je ûnyi, ke e ame hahnahicâ e at ae hu ta je hna ha bânâ.