Roma 3:5 - Iaai Bible 1901 (New Caledonia)

⁵ Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.)

Roma 3:5 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Jobu 8:3

Hawa, ame he Khong ka onua hna owisa? Ke ame he Ataekhanahia ka önua wisâ?

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

Roma 3:7

Ke ame ne he anyik thoi ka olungâ hnathuiny Khong me ogânâ e, hnân eû he ka hnei nya hmetu helâ me at ae kong?

Roma 4:1

ANYIN a wale, ate me he ka ha ieû ame wâ hnö Aberahama a kamöta hnyi unyin!

Roma 5:8

Ke Khong ame omanenâ kötâ anyin ibetengiö, anyin ame mok Keriso me hnân hwabʼ öta ke öta tiga monu.

Roma 6:1

ANYIN a wale ieû ate me he ka ha? Hawa, ate me he bala ka laba hnyi hulo, me me gan hmâ but ibetengiö baû?

Roma 6:19

Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap.

Roma 7:7

Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Roma 9:30

Anyin a wale, ieû ate me he ka ha? A gʼ ame hu hwakecin ae wisa ge Aten ta je hnyei, waleji adre me ca hnu hoton hwakecin ae wisa, wale a hwakecin ae wisa hoton labageju:

I. Korinito 15:32

Oge ne hia but vat me ta je meno ûkûc hnyi Efeso hoton hwakecin at, ieû troban könya? At ka ca omelö hmetu bi tavat adre mokcu, awe, e so ate me han me ic, anyin ate me he nyi ka mok.

I. Korinito 9:8

Hawa, oge me ha ta je ûnyi e helâ me at? kʼ ame ca ha bi helâe hnen hnanyibu?

II. Korinito 6:4

ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu,

II. Korinito 7:11

Anyin a wâ ju öbun ûnyi eang waleji e hmak hnyekubun hoton ae ûcû ka Khong e ame okûâ hna wâ wia unyibun, me ivinö, eke, me haiwisai öbun eke, me kong hnyekunâ, eke, me ot, eke, me weny ae gan hmâ, eke, me hnyok ae kahwa, eke, me bi hwaban! Haba hnyi ta je ûnyi hia öbun e hia but omanenʼ öbun bi ae ba anyibun hulo hnyi ûnyi eang.

Galatia 2:18

Anyin oge ne op hmetu ta je ûnyi oge hia but ohia, inya oge me ka omanenö nya bi, a iny at hanyâûâ.

Galatia 3:15

Hnyat me lakeiny lö, oge me ha helâ me hwan at: ka habe, Eja ke ne a ne ûhihinyköu anyin at, kʼ adre hia but ohmâ, me ba at ame he ka thang, me bi hanen hmetu.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.