Roma 3:4 - Iaai Bible 1901 (New Caledonia)

⁴ Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe, Mʼ u me he ka wisa hnyi hwâm ta je hofuc Me tom, at ka he ka hnei u.

Roma 3:4 ပူးပေါင်းရင်းမြစ်များ

Jobu 36:3

Oge me he ka hok anyik metâ ûnyi hnyi dok ae sâkâû, Me haiwisa At a Up nya.

Jobu 40:8

Hawa, u me he ka oûnyibaûâ hnok hna owisa? U me he ka haikongu nya, mʼ u me wisa bi?

Salamo 100:5

Anyin ae so Iehova; e tethmâ balua bi anyin ibetengiö; Me anyin hnathu ke ne o but ta je dö hia thithö.

Salamo 116:11

Oge me ha hnyi hnok hna uthmâhmâ, ka habe, E thoi tavat hia thithö.

Salamo 119:160

Haba onyen hwâm hofuc, me, hnathu; Kʼ ame ve tethmâ nyiele balua hnâm ta je hna owisa hia.

Salamo 138:2

Oge me he ka khudrung ka hnyi umâm uma ae kap, Me oleâ iâm can ânyâm ibetengiö, me ânyâm hnathu: Anyin a u je hia but ogânâ hwâm hofuc hon iâm hia.

Salamo 51:4

Oge hia but monu köu, köu thibi, Me ânyâ ûnyi ae kong hnyi hnyimâkâm, Mʼu me he ka wisa u ka ha, Ke so hnyi hnâm hna owisa.

Salamo 62:9

Ta je thatûnyi bi houmonu, ke thoi bi tavat ae ûnyi hnathu: Ödra hâhâ hnyi tulut; Ödra tha hâhâ hon thatûnyi.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Mataio 11:19

Ke ame o but Nokon at, me ame han me ic, ke haingödra, ka habe, Wâ bi, at ae hwenhmiâ me beic waina, hanen ta je telona me tavat ae kong! Ke haba ûnyi hnân haisoâ metâ, me huliwainy.

Luka 20:16

E ame he ka o me ohia tavat belok, me ham hnyei vine ka keihen. Ke adre me long ut, me haingödra, ka habe, Ekölö, e so e me ca helâe.

Ioane 3:33

Ke haba at ame kap hnen hna ohnatho, me wale at ame bi haten a e hnathu Khong.

Roma 11:1

ANYIN a wale, inya oge me ha, ka habe, Hawa, a hia but Khong degec lakeiny? Ohe. Anyin a inya at Isaraela minya, ûnyi hnyi mâtrâni Aberahama, ke hanen tribu Beniamina.

Roma 11:11

Inya oge me ha, ka habe, Hawa, adre me thö me me û but? Ohe: ke haba hnyi ta a ödra me ame o but ûhomeli ka Aten ta je hnyei hnân oihunyinköu ödra.

Roma 3:31

Hawa, ate me he ka oûnyibâûâ hnanyibu hnen labageju! Ohe; ke so bi ate me otilâ hmâ hnanyibu.

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

Roma 6:2

Ohe. Öta tavat a mok ka hnyi hulo, kʼ ate me he ka kâmâu he ka möt bala hnyin?

Roma 7:13

Hawa, hnân mekiny könya ûnyi ae so? Ohe, ke haba hulo, me me manen dut a e hulo bi, ame okûâ mok könya hnen ûnyi ae so:— me me ti kong gan hmâ hulo hnen hnanyibu.

Roma 7:7

Anyin a wale ieû ate me he ka ha? E monu hnanyibu? Ohe. Ke so bi a ne ba hnanyibu mʼ oge me ne ca he ka wâ ûnykûme hulo: a ne ca ha bi hnanyibu, ka habe, U ca behnyekon, me ca khanö nya bi behnyekon:

Roma 9:14

Anyin a wale, ieû ate me he ka ha? Hawa e hu unyin Khong hwakecin ae ca wisa bi? Ohe.

I. Korinito 6:15

Ke ca khanʼ öbun a haba je unyibun, me wale je outhunyin Keriso? anyin a wale, hawa oge me he ka hom je outhunyin Keriso he ka wia me hnân outhunyin momo hnyi gethen? Ohe.

II. Korinito 1:18

Ke hnathu bi Khong, me haba hohmun hofuc köbun me ca eke, me e ba.

Galatia 2:17

Ke ate ne elâm, e me he Keriso ka haiwisʼ öta, ke ame ō ʼta bi a öta tavat ae kong, hawa, haba Keriso me at huliwan hulo? Ohe.

Galatia 2:21

Oge me ca oûnyibâûâ ibetengiö baû anyin Khong: anyin a ne hu hwakecin ae wisa ûnyi ge hnanyibu, awe, e ûnyi baû bi mok anyin Keriso.

Galatia 6:14

Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong: