Roma 3:26 - Iaai Bible 1901 (New Caledonia)

²⁶ mʼ adre me omanenâ hnyi ûen ang hwakecin ae wisa: me me ka wisa bi, kʼ ame he minya ka haiwisa at ame labageju kö Iesu.

Roma 3:26 ပူးပေါင်းရင်းမြစ်များ

Roma 4:5

Ke haba at ame ca huliwa, kʼ ame labageju thibi ka at ame haiwisa at ae kong hwakecin; baba anyin bi labageju, me adre me he ka ha a hnân hwakecin ae wisa.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Roma 3:30

awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju.

Roma 8:33

Ie at ame he ka bi fuco hna ûca hnen Khong? Haba Khong thibi at ame haiwisa;

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Isaia 42:21

Ame so kö Iehova hnyi anyin hwakecin ae wisa, he ka ogânâ hnanyibu, me ohmanenangâ e.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Luka 1:80

Kʼ ame gan dut wanakat, me hwege tot hanon, me e ame laba hnyi je dok ae ba aten ke ne o but hnyi bong hnân omanenâ e ka at Isaraela.

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 3:27

Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju.