Roma 3:11 - Iaai Bible 1901 (New Caledonia)

¹¹ E ba at ame wâ ûnykûme, E ba at ame elâm Khong;

Roma 3:11 ပူးပေါင်းရင်းမြစ်များ

Salamo 53:2

Haba Khong ethö hnyi drany ame wâ lakon tavat, Me me wâ thö, hawa, e hu at ame wâ ûnykûme, Me elâm Khong.

Salamo 53:4

Hawa, e ba hnyekudra tavat adre me ânyâ hulo? Wale tavat adre me an lakeik helâ me hna an jeû, Me ca hongot bi ka Khong.

Salamo 94:8

Ûnykûme ju öbun tavat ae ba hnyekubun unyin tavat: Ke haba öbun tavat ae monu, ie ûen öbun e he ka meta hnyin?

Ta je Vejec 1:22

Tavat ae ba hnyekudra lö, öbun e he ka hnyok ka hwakecin ba hnyekon ke ne o but kehö? Me tavat ûhiö he ka hiâ ke ne o but kehö, Me tavat ae monu ha hmiödra wâhmakhmeto?

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Isaia 65:1

OGE me ling ödra tavat adre me ca hnei nya; ame ö nya bi ge tavat; adre me ca elom nya: oge me ha, ka habe, Walö nya aug, walö nya ang, ka hnyei adre me ca hawʼ ödra hoton iök.

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Mataio 13:19

E ka long ut ke at hofucin dökhu, ke ame ca wâ ûnykûme bi, me ame o but at ae kong, me hûgûnâ ûnyi adre tā eû hnyi hnyekon. Wale thibi e hna tā hnyi baten gethen.

Roma 1:22

Adre me ka ohobeluâ anyidra bi metâ, me adre me monu but,

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Roma 3:10

helâ me hna sihnalimen, ka habe, E ba at ae wisa, e ba hmonyin me khaca;

Roma 3:12

Adre me saû hia but, adre me tha monu but; E ba at ame mâdrâ so, e ba hmonyin me khaca:

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.