Roma 2:9 - Iaai Bible 1901 (New Caledonia)

⁹ kʼ ame he ka hlöuhlöu me vec ae gan hmâ hnyekon tavat hia adre me ânyâ hwakecin ae kong, a bân at Juda, me at Heleni minya ju:

Roma 2:9 ပူးပေါင်းရင်းမြစ်များ

II. Man Ûlabainy Je Than. 6:23

awe, ö u long ju hnyi drany, me ânyâ, me owisa ka lathnyabaem, me bi hwaban ka at ae kong, me oâ ka hnyi hon ban hwakecin ae kong; me owisa ka at ae wisa, me hna kâu hoton hwakecin ae wisa.

Salamo 32:10

E se hia ta je vec unyin at ae kong: Ke haba at ame labageju kö Iehova, me ame he tang betenge ka igigilöâ.

Ta je Vejec 11:23

E hake so thibi weny tavat ae wisa: Ke haba ûlubahing anyin tavat ae kong me wale hmonyin.

Ezekiela 18:4

Wâ bi, haba je hanu hia, me anyik, anyik bi hanon kamen, ke anyik minya hanon nokon: ke haba hanu ame ânyâ hulo, me ame he bi ka mok.

Ezekiela 22:31

Anyin a wale oge hia but hingâlâ anyik hmonyin hudra; oge hia but ohiʼ ödra ge bâhlân anyik wathethot: oge hia but bi hwaban kodra dedra je gethen, haingen Than Iehova.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Mataio 16:26

Anyin a ieû troban ka at, a ne he ka hu kâu hmeledrany hia, ke ame bi hwaban e ge anyin möt? ke ieû hmetu ke ûnyi hnân he ka bi hwaban anyin möt?

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Ta je huliwa 20:21

me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 28:17

Ke hwaban kun ta bong, e ame ûkhacaköuâ je at hnathuiny at Juda: ke adre me ûkhacaköu thö, me e ame ha, ka habe, je liamekeiny lö, e ba monu oge ânyâ ka tavat, me ka hnyi hwakecin lakamöta, ke adre me hnö nya me cö nya ûhek Jerusalema ka hnyi hnyamen at Roma:

Ta je huliwa 28:28

Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.

Ta je huliwa 3:26

Ke haba; Khong ame oâ Aten, kʼ ame kunâ bânâ köbun he ka ohnahici öbun, wale he ka ve! ohmetu öbun ûnyi hnyi anyibun ta je hulo.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Roma 10:12

Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

Roma 2:10

ke hmanenang, me hna ogânâ, me hnahic kodra hia adre me mâdrâ so, a bân ka at Juda, me ka at Heleni minya ju:

Roma 8:35

Ie at ame he ka öûsâkâû öta me ibetengiö anyin Keriso? hawa, vec, hlöuhlöu, hna sela, hmiâ, he thu, outen mok, hele vat?

Roma 9:24

wale öta, hnyat e ame hawʼ öta minya, a ca hake at Juda thibi, ke Aten minya bi ta je hnyei?

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Kolose 3:11

ke ba bi unyin at Heleni me at Juda, me tavat adre me peritomonâ me ca peritomonâ, me aten je hnyei, me at Sekuthia, me athnyaba, me at he baû: ke haba Keriso, me ta je ûnyi hia, ke unyin hia.

II. Thesalonika. 1:6

ame ne ûnyi ae wisa ka Khong he ka bi hwaban vec ka tavat adre me oveci öbun,

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?