Roma 2:8 - Iaai Bible 1901 (New Caledonia)

⁸ ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

Roma 2:8 ပူးပေါင်းရင်းမြစ်များ

II. Man Ûlabainy Je Than. 6:23

awe, ö u long ju hnyi drany, me ânyâ, me owisa ka lathnyabaem, me bi hwaban ka at ae kong, me oâ ka hnyi hon ban hwakecin ae kong; me owisa ka at ae wisa, me hna kâu hoton hwakecin ae wisa.

Jobu 24:13

Tavat eling ödrin hanen je hnyat degec melam; E ca khanʼ ödrin je getheniny, Ke ca vheno je deny.

Salamo 90:11

Ie at ame wâhmakhmetoâ hwegien hmonyin gam, Me ânyâm wathethot, hoton hna outö u hnyi tulut ae ûcû köu?

Ta je Vejec 11:23

E hake so thibi weny tavat ae wisa: Ke haba ûlubahing anyin tavat ae kong me wale hmonyin.

Ta je Vejec 13:10

Ame oâ iwatretra ge bigan Ke hu metâ ge tavat adre me kap ûhnenamö ae so.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Jeremia 34:18

Ke oge me he ka ham ka tavat a tavat hanyâûâ anyik ûhihinyköu, waleji adre ca ohwâdâ hofucin ûhihinyköu waleji adre ânyâ hnyi hnyimakök, waleji hnyi hnödra hna subâ luâ nokon kau, me he hnyi wanben li ke keihen e;

Ezekiela 22:31

Anyin a wale oge hia but hingâlâ anyik hmonyin hudra; oge hia but ohiʼ ödra ge bâhlân anyik wathethot: oge hia but bi hwaban kodra dedra je gethen, haingen Than Iehova.

Nahuma 1:6

Ie at ame he ka tot hnyi hnyimakan anyin hmonyin? ke ie at ame he ka tot e ka ubâhlâ anyin wathethot? ame hingâlâ anyin hmonyin helâ me meic, ke e ame thö je kic.

Roma 1:18

Anyin adre me omanenâ ûnyi hnyi drany hmonyin anyin Khong ka ta je hwakecin hia ae ca ûcû ka Khong, me je hwakecin ae ca wisa bi anyin tavat, adre me ovhelâ hnathu ge hwakecidra ae ca wisa bi;

Roma 10:16

Ke adre me ca long hia hoton ûthumetu ae so. Anyin a haingö Isaia, ka habe, Than lö, ia ame kap anyihmun ûthumetu?

Roma 15:18

Anyin oge me ca he ka hwege ka ha ke ûnyi, wale ame ca tha mâdrâ mönya Keriso hnân okûâ ûling ka Aten ta je hnyei, hnen hofuc me huliwa,

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

Roma 9:22

A ne beomanenâ tang hmonyin Khong, me olungâ maniny man, me ame hokhnyokâ beû hmâ ta je utkaiainy hmonyin waleji adre penapena hobi kâu hnaûhango:

I. Korinito 11:16

Ke a ne ke at ame weny he ka ivinö, me ba hwakecin helâe gahmun, me ta je ekalesia anyin Khong.

II. Korinito 12:20

Anyin a oge me ot, wâ oge nye o but köbun me ō ʼbun a ca helâ me hnok hna wek, ke wâ öbun nye ö nya a ca helâ me webun; wâ e nye hu ihunyinköu, me wathethot, me iwatretra, me bi fuco, me ûhaiö, me imediököu;

Galatia 5:20

me hmi ka je hnatheat, me bi khong, me bi iwahnaihmiony, me iwatretra, me ihunyinköu, me wathethot, me imouköu, me khekhe lo, me vese,

Filipi 1:17

ke haba keihen, me adre me khetâ Keriso ûnyi hnyi iwatretra, ke ca ûnyi hnyi hnyok ae hnathu, kʼ adre me ûnykûme bi he ka bi hanen könya vec hnyi hna cö nya.

Filipi 2:3

ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

II. Thesalonika. 1:8

hnyi meic ame ubâhlâ, he ka bi hwaban ka tavat ae ca khanʼ ödra Khong, me ka tavat adre me ca long hoton ûthumetu ae so anyin Tuhöta Iesu Keriso:

Tito 3:9

ke ûsâkâûö u but me ta je ivinö ae monu, me hna aû ta je dö, me iwatretra, me ivinö ge hnanyibu; anyin ae ba troban, me ûnyi baû bi e.

Heberu 10:27

ke so bi he ka halubahingen me ot ae gan hmâ, ge hna he ka ûhnö, me wathethot ame ubâhlâ, wale ame he ka an ohia je iwahnaihmiony.

Heberu 11:8

Hnen labageju Aberahama ame löng hoton, waleji adre hawâ he ka he ka hnyi ke hnyei e ame he ka hu me hnân hwajekhon; me e ame he thö ke ca khana dok e ame he ka hnyin.

Heberu 5:9

ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

Iakobo 3:14

Ke a ne hu gabun eû hnyi je hnyekubun ihuhnyi-nköu ae hiny me imouköu, me ca he bi ka hobelöu, ke ca thoi bi ka hofuc ae hnathu.

Iakobo 3:16

Anyin a haba dok ae hu ihuhnyinköu me imouköu, wale dok ae hu hnyin imonumonuny me ta je huliwa hia thithö ae kong.

I. Peteru 3:1

HELÂE minya öbun omomo löng ju hoton laöiöbun; mʼ adre me he ka hmehmelâ ge hwakecin laöiödra ae so, ke ca hnen bi hofuc, a ne hu tavat gadra adre me ca löng hoton hofuc;

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?

Hna Omanenâ 14:10

wale at ame he minya ka ijem wainainy tang hmonyin anyin Khong, wale adre penapena ke adre me ca ûhaniken, hnyi kaiainy anyin tang hmonyin; ke adre me he ka ovecâ e hnen meic me teio hnyi hnyimakan ta je angela ae kap, ke hnyi hnyimakan Arenio:

Hna Omanenâ 16:19

Me ame subâ kunâ but taun ae gan, kʼ ame ū but je taun hnyi je hnyei: ke adre me ûnykûme Babulona taun ae gan hnyi hnyi makan Khong he ka ham kâu kaiainy wainainy anyin tang hmonyin.