Roma 2:5 - Iaai Bible 1901 (New Caledonia)

⁵ ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Roma 2:5 ပူးပေါင်းရင်းမြစ်များ

II. Man Ûlabainy Je Than. 30:8

Ke ca he thʼ öbun walang ang ka ohwegiâ je nyibun, helâji me lakamöbun; ke so bi hnʼ öbun dut kö Iehova, me didro ka hnyi anyin dok ae kap, wale e ame hia but okabâ nyiele balua, me bi athnyabai Iehova a Khongubun, me me hwio ûnyi gabun anyin hmonyin ae gan hmâ.

II. Man Ûlabainy Je Than. 36:13

Ke haba khaca e ame ûkhin fuc kö Nebukaneza than, at a hia but kunâ e he ka khemanyin kö Iehova: me e ame hwegiâ nyin, me okhötâ hnyekon me me ca hmetu kö Iehova Khongon Isaraela.

Jobu 21:30

A gʼ adre ip at ae kong hobi kâu bonginy hlöuhlöu? Me adre me hom e hnyi bonginy hmonyin.

Salamo 110:5

Haba Than hnyi hnyamâm a metâm, Ame he ka kot muâ ta je than hnyi bonginy anyin hmönyin.

Salamo 95:8

Ca okhötâ bi je hnyekubun helâ me eji hnyi Meriba, Ke helâji me bonginy Masa hnyi hnyebuba:

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Esodo 32:34

Ke he thö walang ang me hom tavat ka hnyi dok waleji oge me ha köu: wâ bi, ame he ka he anyik angela hnyi hnyimâkâm: ke so bi, haba hori bong oge me he ka senâ, me oge me he ka bi hwaban anyidra hulö.

Esodo 8:15

Ke a wâ but Farao a ga menâ thö, me ame onâkâ hmetu but hnyekon, kʼ ame ca löng ködru; helâji me hofuc ho Iehova.

Ta je Vejec 1:18

Ke haba je hnyat eling adre me khöu mokut kodra bi, Adre me mokut duöng kodra bi.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 28:14

Hnahic hnen at ame labö ot: Ke haba at ame onâkâ hnyekon me ame he ka ta ka hnyi vec.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

Isaia 48:4

E khanö nya a u at ûjöng, ke toiny fao nyem, ke bras barem;

Jeremia 40:3

ke a hia but Iehova oâ, me ânyâ helâji me hnen hna ha; anyin a öbun e hia but ânyâ hulo kö Iehova, me ca löng hoton; ifucin, anyin a wale ame o but köbun ûnyi eling.

Ezekiela 11:19

Ke oge me he ka ham kodra hnyok a khaca, me ip eû hnyi je hnyekubun hanu ae teb ûnyi; ke oge me he ka hom but hnyok ae veto hnyi je unyidra, me ham bi kodra hnyok a utiö:

Ezekiela 3:7

Ke so bi ame ca he lap anyi Isaraela he ka ling u; anyin adre me höcö ling nya: anyin a tavat hwege hnyimakan me khot hnyekudra hia lap anyi Isaraela.

Daniela 5:20

Ke hnyi ûen ame bi gan hnyekon, ke hwege hnyekon me me huliwa hnyi hop, me adre me ohnyikânâ e ûnyi hnyi hon theroniny dokhon dokhu, ke adre me hûgûnâ gan anyin hmanenang:

Hosea 13:12

Adre hia but lan hulo anyin Eferaima; adre hia but hitangen anyin monu.

Amosa 3:10

Anyin e ca khanʼ ödra he ka ânyâ ûnyi ae ûcû, tavat adre me ûkhöûnâ ûokonguny me hna söh hnyi umödra je uma ae hmanenang, haingo Iehova.

Roma 1:18

Anyin adre me omanenâ ûnyi hnyi drany hmonyin anyin Khong ka ta je hwakecin hia ae ca ûcû ka Khong, me je hwakecin ae ca wisa bi anyin tavat, adre me ovhelâ hnathu ge hwakecidra ae ca wisa bi;

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 9:22

A ne beomanenâ tang hmonyin Khong, me olungâ maniny man, me ame hokhnyokâ beû hmâ ta je utkaiainy hmonyin waleji adre penapena hobi kâu hnaûhango:

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Deuteronomi 2:30

Ke e höcö Sihona than Hesebona he ka hnʼ ota ka gethen unyin: anyin a Iehova Khongom ame okhötâ hnyekon, me ohwegiâ hnyekon, me me he ka hna e ka hnyi hnyamâm, a helâe hnyi bong ang.

Deuteronomi 32:34

Hawa, adre ca ip unyik ûnyi eang, Me okeceâ hmâ hnyi tang omjehek?

II. Thesalonika. 1:5

wale haten ûhnei ae wisa anyin Khong; mʼ adre me haöûcû öbun ka hnyi dokhu dokhon Khong, wale öbun e vec minya can:

Heberu 3:13

ke ûsihwegi öbun köu ju hnyi ke bong me ke bong, kʼ adre tiga ha bi, ka habe, Hnyi bong ang; wâ e nye okhötâ hnyekon keihen gabun ge tang iya-wöiny hulo:

Heberu 3:15

kʼ adre tiga ha, ka habe, Hnyi bong ang, öbun ka he ka löng ifucin, Me ca onâkâ je hnyekubun, helâji me hnyi hna ohmönyinâ.

Heberu 4:7

me e ame thu ke bong, kʼ ame ha a deny Davita, hwaban ta je huna ae se, ka habe, Hnyi bong ang, helâ me hna ha ehac, ka habe, Hnyi bong ang, öbun ka he ka löng ifucin, Ca onâkâ bi je hnyekubun.

Iakobo 5:3

A vi but anyibun gol me sileva, ke adre me he ka bi ohnathoâ köbun hnen viiny, kʼ ame he ka an vibun helâ me meic. Öbun e hia but ûkhöûnâ anyibun tang omjeû hnyi je bong a biliny.

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

II. Peteru 3:7

ke haba drany me hmeledrany walang ang, me adre hia but ip ûnyi ge hofuc eling hnân hobi kâu meic, kʼ adre me ip bi ke ne o but hnyi bong owisa me hnaûhango anyin tavat ae ca ûcû hwakecidra me Khong.

Juda 1:6

Ke haba ta je angela waleji adre me ca tethmâ hnyi hanymödra ae gan hmâ, ke adre me hna degecâ hing hnyabadra, me e ame hia but cʼ ödra hnyi menekholom a nyiele balua ke ne o but bong owisa a bong ae gan.

Hna Omanenâ 2:21

Ke oge me ham kâu ûen he ka ietra; ke e ame höcö he ka ietra anyin je bi ûnyi monu.

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.

I. Samuela 6:6

Ke anyin a ieû öbun e ohwegiâ je hnyekubun, helâ me at Aigupito me Farao ödrin e ohwegiâ je hnyekudrin? ke e a hia but huliwa hnân lâiâ unyidrin, me hawa, ödrin e ca hna but tavat, me ödrin e he but?