Roma 2:4 - Iaai Bible 1901 (New Caledonia)

⁴ Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Roma 2:4 ပူးပေါင်းရင်းမြစ်များ

Salamo 10:11

Haingen eû hnyi hnyekon, ka habe, A hnying ut Khong: E ame ikhâlâ hnyimakan; e ame ca he balua ka wâ.

Salamo 104:24

Iehova lö, shaiba ge ûsehiainy ânyâm ta je huliwa! U je hia but huliwan hia thithö ge metâ: A unöngötö hmeledrany ge tang omjehem.

Salamo 31:19

Shaiba ge ûganiny ânyâm so, wale u je hitangen hobi kâu tavat adre me outö u, Waleji u me ânyâ hobi kodra adre me labageju köu, hnyi hnyimakan tavat!

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Esodo 34:6

Ke haba Iehova ame he hnyi hnyimakan, me ha, ka habe, Iehova, Iehova, Khong a at ame kölu me betenge, at ame bec ka hmönyin ke gan hmâ anyin so me hnathu;

At Khet 8:11

Anyin adre me ca ie bi hwaban huliwa ae kong, anyin a wale e hwege hnyekon tavat he ka mâdrâ hulo.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Jeremia 7:10

me o me tot hnyi hnyimakök hnyi uma eang, waleji adre ip hon e iök me ha, ka habe, Adre hnʼ ohmun; mʼ öbun e he ka anyi ta je ûnyi hia eling ae ikiki?

Ezekiela 11:19

Ke oge me he ka ham kodra hnyok a khaca, me ip eû hnyi je hnyekubun hanu ae teb ûnyi; ke oge me he ka hom but hnyok ae veto hnyi je unyidra, me ham bi kodra hnyok a utiö:

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Numera 14:18

At ae bec he ka hmönyin Iehova, ke gan hmâ anyin ibetengiö, kʼ ame degecâ hulö, me monu, kʼ ame ca he ka ha ae ba kongon at ae kong; ke e ame bi hwaban monu anyin je kamen ka je lakon, ke ne o but ka hnyi dö a kuniny me vakiny.

Roma 10:12

Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

Roma 11:22

Anyin a wale, wâ bi betenge me hmonyin anyin Khong: hmonyin ka tavat adre me kolu; ke betenge anyin Khong köu, u je ne tethmâ hnyi anyin ibetengiö: ke e ka ba, me adre me he ka subâ degeci u minya bi.

Roma 11:33

Shaiba ge ûdiliny metâ ae nua me wâ ûnykûme anyin Khong! e iyong hmonyin anyin owisa, ke ca hnân wâ bi deny ta je gethen!

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 6:1

ANYIN a wale ieû ate me he ka ha? Hawa, ate me he bala ka laba hnyi hulo, me me gan hmâ but ibetengiö baû?

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

II. Korinito 8:2

ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc.

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Filipi 4:19

Ke ame he Khonguk he ka ham ta je ûnyi ae ûcû köbun, hoton hna ûkhöûnâ anyin hmanenang unyin Keriso Iesu.

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 2:2

mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso,

I. Timoteo 1:16

ke wale thibi e can adre betenge baû könya, me me he Iesu Keriso ka omanenâ a ûnyi gak, wale at ae nuâ monuiny, anyin hokhnyok ae beû hmâ hia thithö hnân tulut kodra adre me he ka labageju kâu nyiele, mʼ adre me hu gadra möt ame ca ba balua.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

II. Peteru 1:11

anyin a helâe adre me he ka ti hnʼ öbun he ka dit ka hnyi dokhu ame ca ba balua a dokhon Tuhöta At a omeli öta, a Iesu Keriso.

II. Peteru 3:15

Ke ûnykûme ju öbun a haba hok hnyok beû hmâ anyin Tuhöta me wale möt, helâ me hna sihnalimen köbun ga Paulo liamekeiny mʼ öta a oûnykûmita, hoton metâ adre ham kâu;

II. Peteru 3:3

a böbun he ka wâhmakhmeto ûnyi eang a haba hnyi ta je bong a biliny, me ame he ka o tavat ûhiö me ûhlumöny, kʼ adre me he ka he hoton ta je wedra bi ae kong,

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

Hna Omanenâ 2:21

Ke oge me ham kâu ûen he ka ietra; ke e ame höcö he ka ietra anyin je bi ûnyi monu.

Hna Omanenâ 3:20

Wâ bi, inya oge me tot hnyi hwanuma me seseto: e ka hu at ame löng ifucik me khong ut hwanuma, me oge me he ka didro kâu, me tha han mē, ke tha e mönya.