3 Ke tha lö, at ame ûnykûme tavat, a gʼ adre me ânyâ ta je ûnyi helâe, ke u me ka ânyâ minya bi, hawa, u je ûnykûme he ka ohaûâ hna bi hwaban ge Khong?
Ke haba je tuhan laku Amona ödrin e ha kö Hanuna a thanidrin, ka habe, U me ûnykûme a Davita ame ogânâ kâmâm, me ame kunâ köu tavat he ka otubwelâ? ke ca Davita bi ame kunâ athnyabainy köu he ka elâm i taun, me ecmâkâ e, me ohia e?
Ke e ame ûkhin fuc mē, me kunâ anyin je ûthumetu Aigupito ai, mʼ adre me he ka ham kâu je hors me tavat ae se hia. Hawa, e ame he ka hnahic? ame he at ame ânyâ ta je ûnyi e ka möt? hawa e ame he ka thamuâ ûhihinyköu, ke möt bi?
Anyin a e ame hia but hûkotiâ hna khemanyin hnyi hnen hna thamuâ ûhihinyköu; ke wâ bi, e ame hia but ham hnyamen, me ânyâ ta je ûnyi eling hia; e ame ca he ka kec möt.
Ke e ame ha, ka habe, At adre me betenge gan lö, ca he bi ka ot; hnahic ju, hwege thö, eke, hwege thö. Ke a hia but fuc könya, me oge me hwege but, me ha, ka habe, Than lö, ha thö; anyin a u je ohwegiö nya.
ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.
ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.
Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany: