Roma 2:29 - Iaai Bible 1901 (New Caledonia)

²⁹ ke e at Juda bi a helâe eû hnyin; ke haba peritom, e bi hnyi hnyok, me hanu, ke ca e bi hnyi tusi; wale ame ca ogânâ bi hnen at, ke so bi hnen Khong.

Roma 2:29 ပူးပေါင်းရင်းမြစ်များ

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Deuteronomi 10:16

Anyin a wale peritomonâ unen je hnyekubun, ke ca he hmetu bi öbun ka hwege nyin.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

I. Thesalonika 2:4

ke so bi öhmun e fuc helâ me hnen Khong hna ûcʼ öhmun me hna but kohmun ûthumetu ae so; ca hnân bi osenyinâ at, ke so bi Khong at ame cnbec je hnyekuhmun.

I. Peteru 3:4

ke so bi he ka omecâ at ae iyong eû hnyi hnyok, wale ûkhaû ame ca he ka bobot, wale hnyok ae menyik me ilemuk, wale ûnyi ae ûnyi hnathu hmonyin hnyi hnyimakan Khong.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 10:18

Anyin adre me ca he ka kap at ame ka haisoâ e, ke so bi hnen Than hna haisoâ.

Roma 7:6

Ke walang ang adre hia but thong öta ûnyi hnyi hnanyibu, ke ate hia but mok ka ûnyi waleji ame kot öta; mate me bi athnyabainy hnen hanu a teb ûnyi, ke ca hnen bi tusi adrem.

Roma 2:27

Ke haba tavat adre ca peritomonâ bi, ke ka e bi, ke ame long hoton hnanyibu, hawa, adre me ca he ka haikongu u, at ae hu tusi me hna peritom, kʼ u at hanyâûâ bi hnanyibu?

II. Korinito 3:6

waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu.

Ioane 12:43

anyin ae nua wedra a gʼ ame he ka ogânʼ ödra hnen tavat, hon wedra a gʼ ame he ka ogânʼ ödra hnen Khong.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Luka 11:39

Haba Than ame ha kâu, ka habe, öbun je Faresaio, öbun e ânyâwia hoton utkaia me mini; ke haba je hnyekubun, me unöngöt dö ge venöu me ta je monu.

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.

Ioane 4:23

Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Luka 17:21

ke haba khaca, adre me ca he ka ha, ka habe, Wâ bi ang! ke wâ bi e! anyin a wâ bi, e hnyi wanböbun dokhu dokhon Khong.

Salamo 45:13

E hmanenang hia, eû hnyin uma, hlu nokon than: Adre me tha hwâwâ gol hnyi ûkhaûen.

Jeremia 9:25

Wâ bi ame he ka o je bong, haingö Iehova, ke oge me he ka tha bi hwaban ka tavat adre me peritomonâ hnyi hna ca peritomoni ödra;

Roma 3:1

KE ieû ke ûnyi ae nua ge at Juda? ke ieû troban peritom?

I. Korinito 7:19

E ca ûnyi hnathu peritom, ke ca ûnyi hnathu bi ca peritom: ke so bi he ka vheno je hnanyibu anyin Khong.