Roma 2:25 - Iaai Bible 1901 (New Caledonia)

²⁵ Anyin ae hu troban hna peritom, u je ne long hoton hnanyibu: ke so bi u je ne hanyâûâ hnanyibu, awe, ca peritom hmetu but ânyâm peritom.

Roma 2:25 ပူးပေါင်းရင်းမြစ်များ

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Roma 2:13

anyin ae ca wisa hnyi hnyimakan Khong tavat adre me long hnanyibu ge hnyiköny, ke adre me he ka haiwisa tavat adre me long hoton hnanyibu:

Roma 2:23

u at ame hobeluâ hnanyibu; hawa, u me oûnyibâûâ Khong hnyi hnâm hna hanyâûâ hnanyibu?

Roma 2:26

Anyin a wale, a ne vheno wisainy hnanyibu tavat adre ca peritomonâ bi, hawa, adre me ca he ka hâiâ tavat adre ca peritomonâ bi, ka habe, ta je peritom?

Roma 2:27

Ke haba tavat adre ca peritomonâ bi, ke ka e bi, ke ame long hoton hnanyibu, hawa, adre me ca he ka haikongu u, at ae hu tusi me hna peritom, kʼ u at hanyâûâ bi hnanyibu?

Roma 2:28

Anyin a ca at Juda bi, ame ne helâe thibi hnyi hoton; ke ca peritotom minya bi ae manen hnyi unyin:

I. Korinito 7:19

E ca ûnyi hnathu peritom, ke ca ûnyi hnathu bi ca peritom: ke so bi he ka vheno je hnanyibu anyin Khong.

Galatia 6:13

Anyin a haba tavat adre hia but peritomona, me adre me ca long bi hoton hnanyibu; ke wedra bi he ka operitomoni öbun, mʼ adre me he ka hobeluâ je unyibun.

Galatia 6:15

Anyin ae ca ûnyi hnathu peritom me ca peritom, ke so bi at ae teb ûnyi.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.