Roma 2:2 - Iaai Bible 1901 (New Caledonia)

² Ke e khanʼ öta a haba Khong ame bi hwaban hoton hnathu kodra adre me ânyâ ta je ûnyi helâe.

Roma 2:2 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Jobu 34:23

Anyin ae ca ûnyi hnathu kâu he ka olo ûnykûme ka at, Me me he hnyi hnyimakan Khong he ka ûhnei.

Salamo 145:17

E wisa Iehova hnyi deny ta je gethen hia, Kʼ ame betenge hnyi anyin ta je huliwa hia.

Salamo 9:4

Anyin a u je hia but ciʼ nya hnyi anyik wisa me hnok hna ivino; U je laba hon theron me owisa hnyi wisa.

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Ezekiela 18:29

Ke ame ha hnen lap anyi Isaraela, ka habe, E ca ûcû bi hwakecin Than. Lap anyi Isaraela lö, hawa e ca ûcû hwakecik? hawa e ca hwali bi hwakecibun?

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Roma 2:1

ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.

Roma 2:3

Ke tha lö, at ame ûnykûme tavat, a gʼ adre me ânyâ ta je ûnyi helâe, ke u me ka ânyâ minya bi, hawa, u je ûnykûme he ka ohaûâ hna bi hwaban ge Khong?

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Roma 9:14

Anyin a wale, ieû ate me he ka ha? Hawa e hu unyin Khong hwakecin ae ca wisa bi? Ohe.

Hna Omanenâ 16:5

Ke oge me löng angelainy je köiö ame ha, ka habe, U thibi Wisa, a u walang ang me adrem, u At ae Kap, anyin a u je bi hwaban helâe:

Hna Omanenâ 19:2

anyin ae hnathu me wisa hnen hna bi hwaban; anyin a hia but bi hwaban ka momo hnyi gethen ae nua, at ame okongoâ hmeledrany ge anyin bi ûnyi monu, ke a hia but bi hwaban kâu can dren lathnyabainy.