Roma 2:16 - Iaai Bible 1901 (New Caledonia)

¹⁶ hnyi bong ame he Khong ka hnö ta je ûnyi ae iyong anyin tavat, ga Iesu Keriso, hoton anyik ûthumetu ae so.

Roma 2:16 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Salamo 50:6

Ke ame he je drany ka omanenâ hwakecin ae wisa; Anyin a Khong thibi at ame owisa. [Sela.

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

At Khet 12:14

Anyin ame he Khong ka hom ta je huliwa hia ka hnyi hna owisa, ke ta je ûnyi hia ae iyong, ame ne ta je ûnyi ae so, kʼ ame ne ta je ûnyi ae kong.

At Khet 3:17

Haingök hnyi hnyekuk, ka habe, Hamen Khong he ka owisa ka at ae wisa me at ae kong: anyin ae hu ûen ta je ûnyi hia me ta je huliwa hia.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Luka 8:17

Anyin ae ba ûnyi adre me ikhâlâ ame ca he ka manen; ko ba ûnyi ae iyong ame ca he bi ka manen.

Ioane 12:48

Haba at ame digic nya, kʼ ame ca kap bi hok hofuc, me hu bi at ame owisa kâu: haba hofuc, waleji oge me ha, me wale at ame he ka owisa kâu hnyi bong a obiny.

Ta je huliwa 10:42

Ke e ame hûna kohmun he ka khetâ ka tavat, me ohnathoâ a e at a ûca Khong hnân hnö tavat ae möt me tavat ae mok.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Roma 16:25

Ogânâ thö at ae khana otethmʼ öbun hoton anyik ûthumetu ae so me hna kheti Iesu Keriso, hoton hna omanenâ ûnyi ae iyong waleji adre me ikhâlâ adrem balua,

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Roma 3:6

Ohe; a ne helâe ame he Khong ka kâmâu ka hnö hmeledrany?

I. Korinito 15:1

HNYAT me lakeiny lö, inya oge me omanenâ köbun ûthumetu ae so, waleji oge me omanenâ köbun, kʼ öbun e kap, me tethmâ hnyin,

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Korinito 5:10

Anyin adre me he ka omanenʼ öta hia hnyi hnyimakan taben owisa anyi Keriso; mʼ ate me he ka ve kap ta je ûnyi ate ânyâ hnyi unyin, hoton hna ve ânyâ, ame ne so, ame ne kong.

Galatia 1:11

Hnyat me lakeiny lö, inya oge me omanenâ köbun, ka habe, haba evangelia oge me khetâ me ca ûnyi bi ge at.

I. Timoteo 1:11

hoton evangelia ae hmanenang anyin Khong ae tren hnahic, waleji adre me hna könya.

II. Timoteo 2:8

Ûnykûmi Iesu Keriso, ûnyi hnyi mâtrâni Davita, a omelö ûnyi hnyi hna mok, hoton anyik ûthumetu ae so:

II. Timoteo 4:1

INYA oge me hûna wia köu hnyi hnyimakan Khong, me Keriso Iesu, at ame he ka owisa wamöt me wamok, me he ka manen dut e, me dokhon dokhu;

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 9:27

Adre me ip ka tavat he ka okhaca mok, ke hwaban e ûhnei;

I. Peteru 4:5

ke adre me he ka ve ha hwakecidra bi kâu at ame he ka hnö tavat ae möt me tavat ae mok.

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;