Roma 2:10 - Iaai Bible 1901 (New Caledonia)

¹⁰ ke hmanenang, me hna ogânâ, me hnahic kodra hia adre me mâdrâ so, a bân ka at Juda, me ka at Heleni minya ju:

Roma 2:10 ပူးပေါင်းရင်းမြစ်များ

Jobu 22:21

Imetenyimwi thö me walang ang, mʼ u me hnahic ut: Me ame he ka o köu ûnyi ae so.

Salamo 15:2

E so thibi at ame he wisa, me ânyâ wisa, Kʼ ame ha hnathu ûnyi eû hnyi hnyekon.

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Ta je Vejec 11:18

Ame bi huliwa iyawo hnen at ae kong: Ke haba at ame ta hwakecin ae wisa me hu hwaban ae hnathu.

Ta je Vejec 8:18

E unyik omejeû, me hmanenang; Eke, je omjeû ae tethmâ, me hwakecin ae wisa.

Isaia 26:12

Iehova lö, u me he ka otilâ ûsoköu hobi kohmun: anyin a u je hia but ânyâ hobi kohmun anyihmun ta je huliwa hia thithö.

Isaia 32:17

Ke haba troban hwakecin ae wisa, wale ûsoköu, ke haba obiny hwakecin ae wisa wale laba hnahic me laba khötkic nyiele balua.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 48:22

Haingö Iehova, ka habe, E ba hnahic ge tavat ae kong.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Numera 6:26

Ame he Iehova ka ogöranyâ hnyimakan hom, me ham köu ûsoköu.

Mataio 10:13

Ke a ne so uma eling, e so e ame ta but hon, hnobun hna ha hnahicâ e: ke a ne ca so bi, e so he ka hmetu köbun hnobun hna ha hnahicâ.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Luka 12:37

Hnahic hnen je athnyaba, wale e ka o than ka ō ʼdrin, ödrin e hmâkâ: e hnathu inya oge me ha köbun, e ame he ka hûkâlâ wen hnyekon, me olabʼ ödra ju, me he but he ka bi athnyaba kodra.

Luka 19:42

me ha, ka habe, A ne khanö u hnyi bongom bong eang ta je ûnyi a hanen hnahic! ke walang ang adre me ikhâlâ hnyi li emâkâm.

Luka 22:14

Ke ame o but awa, me e ame laba ju, tha e me je aposetolo.

Luka 9:48

me ha ködrin, ka habe, Haba at ame he ka kap wanakat ang hnyi iök, me e ame kop nya: ke haba at ame he ka kop nya, ame kap at a kunö nya: anyin a haba at ae ûhnyûkong gabun hia thithö, wale at ae gan.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ta je huliwa 10:35

ke e ame kap at ame outen e hnyi ta je hnyei hia, wale at ame ânyâ hwakecin ae wisa.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

Roma 2:9

kʼ ame he ka hlöuhlöu me vec ae gan hmâ hnyekon tavat hia adre me ânyâ hwakecin ae kong, a bân at Juda, me at Heleni minya ju:

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 8:6

Anyin a haba behnyok ka unyin, me, wale mok; ke haba behnyok ka hanu, me, wale möt, me hnahic:

Roma 9:21

Hawa ge at ame op kaia kânâ, e ame ca musi ka kânâ, he ka op utkaia ae so, ame ne utkaia ae kong bi?

Roma 9:23

me me he ka omanenâ ûnyi hnathuiny anyin hmanenang ka ta je utkainy ibetengiö, waleji e ame penapena hnân hobi kâu hmanenang,

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

I. Timoteo 1:17

E so e unyin Than a e balua bi, me möt balua bi, me iyong bi, Khong a khaca thibi, e so e anyin bi, hna ogânâ me hna olungâ nyiele nyiele balua. Amen.

Heberu 2:7

U je wia e me omi ûhnyûkong hmelen ta je angela; U je obicâ e ge hmanenang me hna ogânâ, Ke u je otilâ e hon ta je huliwa anyin li hnyamâm:

Iakobo 2:22

U me wâ a gʼ ame tha huliwa labageju me anyin ta je huliwa, ke ame obekhotâ labageju hnen ta je huliwa;

Iakobo 3:13

Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Peteru 5:4

Ke e ka manen dut Taben tavat tuö mamoe, me öbun e he ka hu korona ae hmanenang ame ca he ka hia but.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.