Roma 15:3 - Iaai Bible 1901 (New Caledonia)

³ Anyin a haba Keriso ame ca ka osenyinâ e; ke helâ me hna sihnalimen, ka habe, Haba hna û hnen tavat adre me û u, me ame ta but huk.

Roma 15:3 ပူးပေါင်းရင်းမြစ်များ

Salamo 69:20

E vec hnyekuk ge hna haikongu nya; ke iny unöngötö ge hmak: Ke oge me halubahingen ibetengiö, ke ba bi; Me ûötubweli, ke oge me ca wâ bi.

Salamo 69:9

Anyin a hia but uto nya hnen weny ae gan ka hnyi umâm uma; Kʼ ame ta but huk ta jeʼ ûhiö anyin tavat adre me hiö u.

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mataio 26:39

Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Mataio 27:44

Ke haba li at venöu waleji adre me tha osatauroi ödru mē, me ödru me hnyi haikongoâ helâe.

Ioane 15:10

Öbun e ne vheno anyik ta je hnanyibu, öbun e he ka tet hmâ hnyi anyik ibetengiö; helâ me inya oge me vheno hnanyibu anyi Cica me oge me tet hmâ hnyi anyin ibetengiö.

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Ioane 5:30

E ca khanö nya he ka hake mâdrâ thiju ke ûnyi: oge me hnö hoton hnök hna long: ke inya oge me hnö wisa; anyin oge me ca elâm wek, ke so bi weny at a kunö nya.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ioane 8:29

Ke tha e mönya at a kunö nya: e ame ca hnö nya but; anyin a inya oge me ânyâ bala ta je ûnyi hnân osenyinâ e.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Filipi 2:5

E so eû hnyi je hnyekubun ûnykûme eang, wale ame ûnykûme Keriso Iesu:

Filipi 2:8

ke adre wâ e helâ me bongon at, ke e ame ka ohnyikânâ e bi, me long hoton ke ne o but ka hnyi mok, eke, wale mok hon satauro.