Roma 14:3 - Iaai Bible 1901 (New Caledonia)

³ Ca he at ame han ka hmiân at ame ca han, ke ca he at ame hnyi han ka ûnykûme at ame ca hnyi han: anyin a hia but Khong kap e.

Roma 14:3 ပူးပေါင်းရင်းမြစ်များ

Zakaria 4:10

Ke ie at ame hia but hûkötiâ bonginy ûnyi ae ûhnyûkong? anyin a haba hnyat ang a seven, a je emakö Iehova, me ödrin e he ka senyin ödrin ka wâ tulut tot hnyi hnyamö Zerubabela; ke ödrin e vheno hmeledrany hia.

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Mataio 9:14

Me ame o but kâu latö Ioane, ödrin e ha kâu, ka habe, Ieû ang a ohmun osehia but me ta je Faresaio labö ânyâ ca han, kʼ ame ca hnyi ânyâ ca han lâtâm.

Luka 18:9

Ke e ame ha ûhöûcû eang ka keihen adre me ka labageju kodra bi, a ödra wisa, ke adre me oûnyibâûâ keihen:

Ta je huliwa 10:34

Haba Peteru ame ba hofuc, ka habe, E hnathu oge me wâ ûnykûme a haba Khong ame ca wâhmakhmeto tavat:

Ta je huliwa 10:44

Peteru ame tiga ha hofuc e, me ame ta Hanu Kap hudrin hia adre me long hofuc.

Ta je huliwa 28:2

Ke gan hmâ hnen ta je wanaithila hna betenge gahmun: anyin adre me hû hlögu-hmun, me köp öhmun hia, anyin ae hu we me megic.

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?

Roma 14:1

KAP dö at ae sënyin hnyi labageju, ca hnân he ka iwatretra hna loloâ.

Roma 14:10

Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong.

Roma 14:13

Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

Roma 14:15

Ke a ne hmak hnyekon liamekeiny möu, can âm jeû, awe, u me ca vheno hmetu ibetengiö. Ca he ka ohia hnen âm jeû at a mok Keriso hobi kâu.

Roma 14:21

E so he ka ca hnyi han utiö, me ijem waina, me ânyâ ke ûnyi hnân öthöâ liamekeiny möu.

Roma 15:7

Anyin a wale ûkapköuâ ju öbun helâ me hna kop öbun hnen Keriso, hnân ogânâ Khong.