Roma 14:1 - Iaai Bible 1901 (New Caledonia)

¹ KAP dö at ae sënyin hnyi labageju, ca hnân he ka iwatretra hna loloâ.

Roma 14:1 ပူးပေါင်းရင်းမြစ်များ

Jobu 4:3

Wâ bi, u je hia but nâ tavat ae se hia, Kʼ u je hia but ohwegiâ je hnyamʼ ae sënyin.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 42:3

E ame ca he ka thu hlowe ame hmetru, ke ame ca he bi ka ume wakunenu ame ven: e ame he ka oâ hna owisa hoton hnathu.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Ezekiela 34:4

Öbun e ca hia but sihwegiâ ta je meno ae sënyin, ke omelo at ae mok, kʼ öbun e ca ujâ meno ae hmetru jein, kʼ öbun e ca ohmeto je hna obâ, kʼ öbun e ca elâm at ae hia; ke öbun e hia but musi ödra hwege me oveci ödra.

Zakaria 11:16

Anyin a wâ bi, oge me he ka oâ at ame tuö mamoe hnyi hnyei, at ame ca he ka senʼ ödra wale adre subâ degecâ, ke e ame ca he ka elâm je mamoe adre ve se but, me ometo je aat; ke e ame ca he ka han je mamoe ae hwege, ke e ame he ka an viny ae pipikhenya, me kia amemâ je boûjimödrin.

Mataio 12:20

E ame ca he ka thu hlowe ame ihnyong, Ke ame ca he ka ume waamo ame hiâ ûhnyûkong Ke ne o but e ame kunâ hna owisa he ka ton.

Mataio 14:31

Me Iesu ame ie hinôbeny me kât e, me ha kâu, ka habe, At ame labageju ûhnyûkong lö, ieû gam u me hlohlo?

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Mareko 7:19

anyin a e ame ca dit ka hnyi oûnykûm, ke so bi ka hnyi tang tiny, me didrut ka hnyi hnyot? E ame ha helâe, me haisoâ ta je jeû hia.

Luka 17:2

E hâhâ kâu he ka vekiny hnyi hwagenyin veto hnân oamamâ, me he ka öûâ but e eû hnyi köiö, ke e hmak kâu ame ne he ka bi joniny ke at ae ûhnyûkong eang.

Ioane 13:20

E hnathu, e hnathu, inya oge me ha köbun, ka habe, Haba at ame kap at oge kunâ, me e ame köp nya minya; ke haba at ame köp nya, me e ame kap minya at a kunö nya.

Ta je huliwa 28:2

Ke gan hmâ hnen ta je wanaithila hna betenge gahmun: anyin adre me hû hlögu-hmun, me köp öhmun hia, anyin ae hu we me megic.

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?

Roma 14:2

Anyin a ûnykûmenen ke at me so he ka an ta je ûnyi hia: ke haba ke at ae sënyin ame an thibi ta je ûnyi a kû hnyi kânâ.

Roma 14:21

E so he ka ca hnyi han utiö, me ijem waina, me ânyâ ke ûnyi hnân öthöâ liamekeiny möu.

Roma 14:3

Ca he at ame han ka hmiân at ame ca han, ke ca he at ame hnyi han ka ûnykûme at ame ca hnyi han: anyin a hia but Khong kap e.

Roma 15:1

HAMÖTA tavat ae hwege he ka hadruâ hnyat ae sënyin, ke ca he ka osenyini öta thibi.

Roma 15:7

Anyin a wale ûkapköuâ ju öbun helâ me hna kop öbun hnen Keriso, hnân ogânâ Khong.

Roma 4:19

Ke ca sënyin bi anyin labageju, kʼ ame ûnykûme bi unyin ae meleca thö walang ang (helâke me wan haded je hunainy) me tangen hnöku ga Sara ae meleca minya but:

I. Korinito 9:22

Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen.

Filipi 2:29

Anyin a wale, kap dö e hnyi Than me senyin hia; ke oûnyihnathoâ ju tavat a helâ më:

I. Thesalonika 5:14

Ke öhmun e ûjongi öbun hnyat me lakeiny, he ka sihwegi ödra adre me ca he wisa, nʼ ödra ju ae mat hnyekudra, hadruâ thö tavat ae sënyin, hokhnyokâ beûâ ju tavat hia thithö.

Heberu 5:14

Haba jeû, me hobi kâu tavat ae gan, wale tavat a ödra khenen huliwan hnyok he ka wâ cicöâ so me kong.

II. Ioane 1:10

E ka o ke at köbun, kʼ ame ca hom bi hna ûne eang, me câ he ka kap e ka hnyi um-öbun je uma, ke ca italofa bi më: