Roma 13:4 - Iaai Bible 1901 (New Caledonia)

⁴ anyin a e athnyabainy Khong unyâm hobi kâu so. Ke u je ne mâdrâ hwakecin ae kong, ot ju; anyin a e ame ca vadren bâûâ hele vat: anyin a e athnyabainy Khong, at ame bi hwaban ge hmonyin ka at ae kong hwakecin.

Roma 13:4 ပူးပေါင်းရင်းမြစ်များ

I. Je Than 10:9

Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

II. Man Ûlabainy Je Than. 19:6

me ha ka tavat owisa, ka habe, Ûnykûme wia hnobun hna ânyâ: anyin a öbun e ca owisa hobi kâu at, ke Iehova bi; ke e bi unyibun öbun ka owisa.

Ta je Vejec 16:14

Haba hmonyin anyin than, me helâ me je uthumetu adre me mekiny: Ke ame he at ae metâ ka omenyikâ e.

Ta je Vejec 20:2

Haba outen than, me helâ me liona ame kuku: Haba at ame ohmönyinâ e, me ame ka okongoâ e bi.

Ta je Vejec 20:26

Haba than ae metâ, me ame oveseâ ta je monu, Me wiwia waengen hnyi hudrin.

Ta je Vejec 20:8

Haba than ame tabâ theroniny owisa, Me ame oveseâ ta je hulo hia ge li emakan.

Isaia 1:17

nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 25:14

Ke oge me he ka bi hwaban kö Edoma a deny lakeik a at Isaraela; ke adre me he ka ânyâ hnyi Edoma hoton anyik hmonyin me anyik wathethot: ke adre me he ka wâ bongon hnok hna bi hwaban, haingen Than Iehova.

Mika 3:9

Ö öbun long ju ang, öbun je at hnathuiny lap anyi Jekob, ke tavat owisa ka lap anyi Isaraela, tavat hûkotiâ hna owisa, me ohwalö ta je ûnyi hia ae ûcû.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Roma 13:6

Anyin a wale öbun e bi fat minya; anyin a ödrin lathnyabainy Khong, kʼ ödrin e tuö bala hanymen eling.

I. Thesalonika 4:6

me me ca he ke at ka hanyâûâ, me okongoâ liamekeiny më hnyi ke ûnyi: anyin a Than at ame bi hwaban hnyi ta je ûnyi eling, helâji me hnöhmun hna ha ehac, me hna sihwegi Öbun wia.

Josua 20:5

Ke ame ne hnu hoton e ge at ame bi hwaban komok, me ödrin e ca he ka hna kâu at ame hlingâ at; anyin a e ame kot ke at ke ca khana bi, kʼ ame ca hûkötiâ ehac.

Josua 20:9

Wale je taun adre kû hobi kâu je lakon Isaraela hia thithö, me je atkanyua adre me laba unyidrin, me me kec ka hnyin tavat hia adre me hlingâ at a utöteta, me me ca mok ge hnyamen at ame bi hwaban komok, ke ne o but e ame tot hnyi hnyimakan ûkhacaköu.

I. Peteru 2:14

ame ne ka ta je gavena, tavat e ame kunâ he ka bi hwaban ka tavat adre me ânyâ monu, me hnân ogânâ tavat adre me ânyâ so.