Roma 13:12 - Iaai Bible 1901 (New Caledonia)

¹² E beû hmâ but lit ke hakekeny jut lany: anyin a wale ate me he ka hna degecâ but ta je huliwa anyin lit, ke so ate me he ka khavâ ûkhaû hnân vat anyin lany.

Roma 13:12 ပူးပေါင်းရင်းမြစ်များ

Khumöng Hwanyi Solomona. 2:17

Hwio thö, oûnykûmik, me u me helâ me zebi me nokon aila Hon je buceniny Bether, Ke ne o but menyikiny bong, ke ame he but je hmenu.

Isaia 2:20

Ke hnyi bong eling amo he tavat ka degec anyidra je idola sileva, me anyidra je idola gol, waleji adre me tibet hnân hic kodra, adre me he ka degec ka je afora, ke ta je obûbû bi;

Isaia 30:22

Ke öbun e he ka oikikiâ sileva tubwiny anyibun je hnatheat, me gol adre okoiâ hmanenanginy anyibun je idola: u me he ka degec helâ me ecmano ae ikiki; u me he ka ha kâu, ka habe, Kec dö u.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

I. Korinito 10:11

Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö.

I. Korinito 7:29

Ke walang, hnyat me lakeiny lö, oge me ha, ka habe, e okhulit biju ûen, waleling me me so ka hnyat ae hu laöiödra ka helâ me hnyat ae ba laöiödra;

II. Korinito 10:4

(Anyin a haba omjehen anyihmun vat me ca hwen unyin bi, ke hwege maniny hnyi hnyimakan Khong hnân hagutâ je hnabâ ae hwege);

II. Korinito 6:7

me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me,

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Efeso 5:11

ke ca hnyi hanen öbun ta je huliwa hnyi menekholom ae ba wan, ke so bi he ka thawâ;

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Heberu 10:25

me ca he ka degec anyita ûkhacaköu, helâ me hwakecin keihen, ke so he ka ûsihwegeköu; ke hwege ju helâe, öbun ka wâ bong ae hakekeny jut.

Heberu 12:1

ANYIN a wale ame tet igigili öta tavat ohnatho a ödra se hia, me so ate me he minya ka hna degecâ ta je hmak hia, me hulo, wale at ame ohveli öta, ke ate me he ka wadring me hokhnyokâ ûölogot a e hnyi hnyimaköta,

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

Iakobo 5:8

E so öbun e hok hnyok minya ju; ke otethmâ ju je hnyekubun: anyin ae hakekeny jut he ka o Than.

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

II. Peteru 3:11

Ke can ame he ka hia ta je ûnyi e, me ieû hwakecin ae ûcû köbun? hawa e ca so öbun e he ka tavat ae hnathu hnyi hwakecin ae kap me hwakecin ae ûcû me Khong,

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

I. Ioane 2:18

Je wanakat lö, haba awa ang, me obiny: ke helâ me hnobun hna löng a gʼ ame he ka o iwahnaihmiony me Keriso, ke se hia je iwahnaihmiony me Keriso walang ang; waleling me manen köta a haba awa ang, me obiny.

Hna Omanenâ 1:3

Hnahic hnen at ame aû, me tavat adre me löng hofuc adre perofeta, me löng hoton ta je ûnyi adre sihnalimen hnyin: anyin ae hakekeny jut ûen.

Hna Omanenâ 22:10

Ke haingen könya, ka habe, Ca ohmâ haten ta je hofuc adre perofeta hnyin tusi ang; anyin ae hakekeny jut ûen.