Roma 13:11 - Iaai Bible 1901 (New Caledonia)

¹¹ Ke walang ang, e khanʼ öta ûen, a ûen dut ang öbun e he ka hmak ûhebun hnyi hna mokut: anyin ae hakekeny jut walang ang möt, ke sâkâû ehac waleji kʼ ate me labageju.

Roma 13:11 ပူးပေါင်းရင်းမြစ်များ

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Jona 1:6

Me haba tuhan hu ame ölö but kâu me ha, ka habe, Ieû gam u at mokut hnying? todrö me tenge ka Khongom, ame ne he Khong ka ûnykûmi otin, me otin e ca mok.

Mataio 16:3

Ke hnyi hnyomakatu, Ame he ka kong drany hnyi bong ang: anyin ame dra drany ke khömet. E khanʼ öbun he ka wâhmakhmetoâ bongon drany; ke ca khanʼ öbun bi be ka wâhmakhmetoâ ta je haten ta je ûen.

Luka 21:28

E ka hwân he ka hwâdâ ta je ûnyi eling, bwele thʼ öbun me wâ; anyin ae hakekeny jut he ka omeli öbun.

I. Korinito 10:11

Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö.

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Iakobo 5:8

E so öbun e hok hnyok minya ju; ke otethmâ ju je hnyekubun: anyin ae hakekeny jut he ka o Than.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

II. Peteru 3:11

Ke can ame he ka hia ta je ûnyi e, me ieû hwakecin ae ûcû köbun? hawa e ca so öbun e he ka tavat ae hnathu hnyi hwakecin ae kap me hwakecin ae ûcû me Khong,

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

I. Ioane 2:18

Je wanakat lö, haba awa ang, me obiny: ke helâ me hnobun hna löng a gʼ ame he ka o iwahnaihmiony me Keriso, ke se hia je iwahnaihmiony me Keriso walang ang; waleling me manen köta a haba awa ang, me obiny.

Hna Omanenâ 1:3

Hnahic hnen at ame aû, me tavat adre me löng hofuc adre perofeta, me löng hoton ta je ûnyi adre sihnalimen hnyin: anyin ae hakekeny jut ûen.

Hna Omanenâ 22:10

Ke haingen könya, ka habe, Ca ohmâ haten ta je hofuc adre perofeta hnyin tusi ang; anyin ae hakekeny jut ûen.

Hna Omanenâ 22:12

Wâ bi, oge me he ka ie o; ke e unyik hwaban, he ka ve ham ka tavat e ûcû me anyidra ta je huliwa.

Hna Omanenâ 22:20

Haba at ame ha wia ta je ûnyi eang, me e ame ha, ka habe, Eke: oge me he ka ie o. Amen: Than lö, Iesu, aiö u.