Roma 13:1 - Iaai Bible 1901 (New Caledonia)

¹ E SO ka tavat hia he ka long hoton ta je musi ae gan: anyin ae ba ke musi a ca ûnyi ge Khong; haba Khong ame otilâ ta je musi ehele.

Roma 13:1 ပူးပေါင်းရင်းမြစ်များ

Salamo 62:11

Khaca thibi hofuc ame ha Khong, Lo li hofuc oge me long, ka habe, E unyin thibi Khong tang hwege.

Ta je Vejec 24:21

Nokuk lö, outö Iehova ju me than: Ca tha e me tavat adre me hwihwiö:

Daniela 2:21

ke e ame wia je huna me je ûen: e ame hom but je than me otilâ je than: e ame ham metâ ka tavat ae metâ, me wâhmakhmeto ka tavat wâhmakhmeto:

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Ioane 19:11

Iesu ame thu kâu, ka habe, Adre ne ca ham köu ûnyi ethö me ba ânyâm musi huk: waleling me me gan hulö anyin at a ham nya köu.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Roma 12:21

Ca he ka ngʼ öbun ge monu, ke ngâ but monu ge so.

Roma 13:2

Anyin a wale haba at ame thu musi, me ame thu hna otilâ hnen Khong: kʼ ame he ka kap hnaûhango hnen hnyat adre me thu.

Efeso 5:21

ke ûlingköu öbun ju hnyi ot ka Keriso.

Deuteronomi 17:12

Ke haba at ame he ka sheshamökâ, kʼ ame ca löng hoton at bihut a at ame labö huliwa eling hnyi hnyimakö Iehova Khongom, ame ne at owisa, me ame he ka mok at eling: me u me he ka ohia hulö unyi Isaraela.

I. Timoteo 2:2

hobi kâu je than, me tavat musi hia; mʼ ate me he ka laba wia me ûsoköu hnyi ta je hwakecin hia thithö ae ûcû ka Khong, me hwakecin ae wisa.

Tito 3:1

OÛNYKÛMI ödra a gʼ adre me he ka löng hoton ta je than, me tavat musi, me he ka ûling, me laba penapena ka hnyi ta je huliwa hia ae so,

Juda 1:8

Ke helâe minya tavat ang, adre me bwi me oikikiâ unyidra, kʼ adre hociâ tavat musi, kʼ adre haikongoâ wahmanenang.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.

I. Samuela 2:8

E ame ogöranyâ at ae theduoc ûnyi hnyi sesâ, Me ogöranyâ at ae ba ta ûnyi hnyi hna digic thatûnyi, He ka tha olabʼ ödrin me je than, Me tabâ theron ae hmanenang: Anyin a e unyi Iehova je hmolominy hmeledrany, Ke e ame otilâ hmeledrany hon e.