Roma 12:9 - Iaai Bible 1901 (New Caledonia)

⁹ E so betenge ke ba thoi hnyin. Ikikiâ thö ûnyi ae kong; kece ju ka ûnyi ae so.

Roma 12:9 ပူးပေါင်းရင်းမြစ်များ

Salamo 101:3

Oge me ca he ka ip ke ûnyi ae kong hnyi hnyimakök: Hûkötiânök hwakecin tavat adre me saû; Kʼ ame ca he ka kece könya.

Salamo 119:104

Oge me wâhmakhmeto a deny ânyâm ta je hnanyibu: Anyin a wale hûkötiânök ta je gethen hia ae thoi.

Salamo 119:163

Oge me hûkotiâ me ikikiâ thoi; Ke oge me hnyok ka ânyâm hnanyibu.

Salamo 34:14

Hota ju hulo, ke mâdrâ so; Elâm hnahic, ke hnu hoton.

Salamo 36:4

E ame ûnykûme ûokonguny hon hnen hna mokut; E ame labö vheno gethen ae ca so; E ame ca ikiki ge monu.

Salamo 45:7

U je hia but hnyok ka hwakecin ae wisa, me ikiki ge hwakecin ae kong: Anyin a wale Khong a Khongom ame hia but hû u Ge wakacoiny senyin hon je lahanâm bi.

Salamo 55:21

E haûhaû hnyimen helâ me bata, Ke vat bi hnyekon: E menyik hwan je hofuc hon wakaco, Ke je hele vat bi ling adre oc.

Salamo 97:10

Öbun tavat öbun e hnyok kö Iehova lö, ikikiâ thö monu: E ame tuö ta je hanon anyin wa kap; E ame hûgûnʼ ödra ûnyi hnyi hnyamen tavat ae kong.

Ta je Vejec 26:25

E ka ha hofuc ae wisa, ca kap bi; Anyin a eû hnyi hnyekon je ûnyi ae ikiki a seven.

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Mataio 26:49

Me e ame ie he kö Iesu me ha, ka kabe, E Habi lö; kʼ ame ûcimhnyimak mē.

Ioane 12:6

Ame ca ha e anyin ame betenge ge ta je theduoc; ke anyin bi a e at venöu, ke e unyin tang, ke e ame hom ta je ûnyi hnyin tang.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

II. Korinito 6:6

hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin,

II. Korinito 8:8

Oge me ca ha me hnân hnanyibu, ke ame cubec anyibun ibetengiö ûnyi ge hna kong hnyekunâ anyin keihen.

I. Thesalonika 2:3

Anyin a haba hnöhmun hna nʼ öbun, me ca ûnyi hnyi monu bi, ke ca ûnyi hnyi hwakecin ae ikiki, ke ca ûnyi hnyi iyâwo:

I. Thesalonika 5:15

Ca he ke at ka bi hwaban monu ge monu ka ke at; ke hnu bala hoton so unyibun bi, me tavat hia.

I. Thesalonika 5:21

cubec ju ta je ûnyi hia thithö; kât hmâ ju ûnyi ae so;

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

Heberu 1:9

U je hia but hnyokâ hwakecin ae wisa, me hociâ hwakecin ae kong; Anyin a wale a hia but hû u hnen Khong, a Khongom, Ge wakacoiny senyin hon ta je lahanâm.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 4:8

ke hon ta je ûnyi hia, e so öbun e ibetengiököu; anyin ame he ibetengiö ka tube ta je hulo ae se hia.