Roma 12:8 - Iaai Bible 1901 (New Caledonia)

⁸ ame ne at khet, khetâ thö: ke a ne at ame ham, ham hnathoâ thö; at ame musi, musi wia ju, at ame betenge, betenge thö me senyin.

Roma 12:8 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Salamo 112:9

E ame hia but kuia, me ham ka tavat ae theduoc; Kʼ ame tethmâ nyiele balua hwakecin ae wisa: Ame he ka gorany anyin faoiny meno ge ogânâ.

Salamo 37:21

Haba at ae kong ame mē sumat, me ca ham hmetu bi: Ke haba at ae wisa ame betenge me, ham.

Ta je Vejec 22:9

Ame he ka hnahic at ae hu li ecmak ae so; Anyin a e ame he ka han at ae theduoc.

At Khet 11:6

Hnyi hnyomakatu tâ ju hatungâm je hatong, ke hnyi sahac ca thawâ li hnyamâm: anyin ae ca khanö u ûnyi ame he ka kû, ame ne eang ame ne e, ke ame ne he ka tha so hia.

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Isaia 32:5

Adre me ca he hmetu ka ha ge at ae monu, a e at betenge bi, kʼ adre me ca he ka ha ge at iyawo, a e at ame ham gânâ bi.

Isaia 32:8

Ke haba at betenge e ame elâm deny betenge, ke e ame he ka tethmâ ûnyi ge hwakecin betenge.

Isaia 64:5

U me ûkhanö me at ame senyin me ânyâ hwakecin ae wisa, tavat adre me ûnykûme köu hnyi dem ta je gethen: wâ bi, u je hmönyâm, ke öhmun e ânyâ hwakecin ae kong: öhmun e laba kueny hnyin, ke hawa, öhmun e ha ka möt?

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Ta je huliwa 11:23

ke ame o but me wâ ibetengiö baû anyin Khong, me e ame senyin, me khöu kodra hia he ka kece ka Than ge hnyok ae tethmâ:

Ta je huliwa 13:12

Ke a wâ but konesula hna mâdrâ, me e ame labageju, ame lâiâ hna ûne ûnyi ge Than.

Ta je huliwa 13:15

Ke adre hia but aû hnanyibu me je perofeta haba je taben sunago ödrin e ûkhûnöng ködru he ka ha, ka habe, Liamekeiny many lö, a ne hu hofuc hnân sihwege gabu hobi kâu tavat, ha thʼ öbu.

Ta je huliwa 15:32

Ke haba Juda me Sila, a li perofeta ödru, me ödru me okahwâ je liamekeiny me ha hwegiödra ge ta je hofuc ae se hia.

Ta je huliwa 20:2

Ke a hia but vheno je ke keihen hnyei eling, me sihwege gan hmâ kodra, me e ame o but hnyi Heleni.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 4:36

Haba Josefa, adre wenyö Banaba hnen je aposetolo, (walang bongon Nokon kaukahwa,) e at Levi, ke aten hnyei Kupero,

Roma 12:13

haomjehen ju tavat ae kap hnyi hnödra hna theduoc; khenen ju he ka imetenyimwi me ta je atkanyua.

Roma 13:6

Anyin a wale öbun e bi fat minya; anyin a ödrin lathnyabainy Khong, kʼ ödrin e tuö bala hanymen eling.

I. Korinito 12:28

Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei.

I. Korinito 14:3

Ke haba at ame perofeta ame fuc ka tavat hnân okahwa, me sihwege, me otubwelâ.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

II. Korinito 8:12

Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.

II. Korinito 9:11

ame otreni öbun ge omjeû hnyi ta je ûnyi hia, mʼ öbun e hnyi ham gânâ but, wale hnân okûâ ole ka Khong ûnyi gahmun.

II. Korinito 9:13

anyin adre me ogânâ Khong hnyi haten huliwa eang, me hnyi hnobun hna long hoton uthumetu ae so anyin Keriso, wale öbun e hom, me hnyi ibetengiö ae gan hmâ kodra me tavat hia;

II. Korinito 9:7

E so he ka ve ham hoton hna thamuâ eû hnyi hnyok; ca hnyi hnyok ae hmak, me hna muso minya: anyin a Khong ame hnyokâ at ame ham senyinâ.

Efeso 6:5

Haba öbun je athnyaba, long ju hoton tavat adre me musi öbun hnyi unyin, ge ot me öbubuny hnyi hnyekubun ae hnathu, helâ me ka Keriso;

Deuteronomi 15:14

u me he ka ohuâ e me ca behânâ ûnyi hnyi halem je mamoe, ke ûnyi hnyi hna uja ânyâm hwit, me hna hlec ânyâm vine: ke u me he ka ham kâu helâ me Iehova Khongom ame ohnahici u.

Deuteronomi 16:11

ke u me he ka senyin hnyi hnyimakö Iehova Khongom, u, me nokom baga, me hlu, me athnyabaem a baga, me momo, me at Levi hnyi je hnyabam, me atkanyua, me nakahme, me safac unyâm, hnyi dok ame he Iehova ka ûca hnân umen ien.

Kolose 3:22

Lathnyaba lö, löng ju hoton tavat a je latuhöbun hnyi unyin; ca huliwa bi wânen at, helâ me tavat adre me osenyinâ at, ke so bi hnyi hnyok ae hnathu, me outen Than:

I. Thesalonika 2:3

Anyin a haba hnöhmun hna nʼ öbun, me ca ûnyi hnyi monu bi, ke ca ûnyi hnyi hwakecin ae ikiki, ke ca ûnyi hnyi iyâwo:

I. Thesalonika 2:8

helâe minya öhmun e betenge gan hmâ gabun, me me so kohmun he ka ham köbun ca ûthumetu ae so thibi anyin Khong, ke anyihmun minya bi möt, anyin a öhmun e ti hnyoki öbun.

I. Timoteo 4:13

E so u ma hwege aû tusi, me khetâ hofuc, me ûne, ke ne o but oge me o.

I. Timoteo 5:17

E so he ka ti ogânâ wahingat tavat adre me musi so, ke e nua ka tavat adre me huliwa hnyi hofuc me ûne.

I. Timoteo 6:18

mʼ adre me he ka ânyâ so, me tren omjeûiny ta je huliwa ae so, me khenen he ka kuia, me weny he ka betenge;

Heberu 10:25

me ca he ka degec anyita ûkhacaköu, helâ me hwakecin keihen, ke so he ka ûsihwegeköu; ke hwege ju helâe, öbun ka wâ bong ae hakekeny jut.

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.

Heberu 13:22

Ke inya oge me ûjöngi öbun hnyat me lakeiny, ka habe, më löng ju hos ne hnân nâ: anyin oge hia but sit okhulitâ köbun.

Heberu 13:24

Anyik italofa ka tavat adre me tuʼ öbun, me ta je wakap hia. Haba tavat Itali, me adre me italofa mʼ öbun.

Heberu 13:7

Ûnykûme ju tavat adre me tuʼ öbun, waleji tavat adre me ha köbun hofuc hwan Khong; ûnykûme ju obiny hwakecidra, me ûcûcûbongo ju anyidra labageju.