Roma 12:3 - Iaai Bible 1901 (New Caledonia)

³ Anyin a inya oge me ha köbun hia thithö, hnen betenge baû adre ham könya, ka habe, ca he ke at ka ûnykûme ogânâ e bi hon ûnyi ae ûcû he ka ûnykûme, ke ûnykûme ûhnyûkongoâ thibi, hoton hna khenâ ka ke at me ke at tulutiny labageju hnen Khong.

Roma 12:3 ပူးပေါင်းရင်းမြစ်များ

Ta je Vejec 25:27

E ca so he ka han gânâ hani: Ke ca hmanenang ka tavat he ka ve elâm anyidrin hmanenang bi.

Ta je Vejec 26:12

U je wâ at ae metâ hnyi hnen bi hna ûnykûme? E so geju ka at ae monu hon e bi.

At Khet 7:16

Ca he ka hwakecâm ae ti wisa; ke ca ogânâ hmönyinâ ânyâm metâ: anyin a ieû u me he ka hamâm hlingö u bi?

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Roma 1:5

öhmun e kap betenge baû a deny e, me hanymen aposetolo, mʼ adre me he ka long hoton hna labageju hnyi ta je hnyei hia ûnyi ge ien:

Roma 11:20

Eke, adre subâ degeci ödra ûnyi hnyi ca labageju, ke u je tethmâ ûnyi hnyi ânyâm labageju. Ca bi gan, ke ot ju:

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 12:16

Tha hnyokköuâ juöbun. Ca ûnykûme bi ta je ûnyi ae görany, ke ca höcö he ka vheno ta je ûnyi ae hnyikânâ. Ca bemetâ bi öbun hnyi je ûnykûmenöbun.

I. Korinito 15:10

Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya.

I. Korinito 3:10

Oge hia but ip taben helâ me homakan hnyat op uma a at ae metâ, hoton ibetengiö baû anyin Khong adre me ham könya; ke haba ke at ame op goranyai hon.

I. Korinito 7:17

Ke so ame ve he tavat helâ me Than ame ve khenâ oûco, ke helâ me Khong ame ve hawʼ ödra. Ke oge me owisa helâe hnyi je ekalesia hia thithö.

II. Korinito 10:13

Ke öhmun e ca he ka hobeluâ hoton tulut ae ca so, ke so bi hoton tulut a tuluto köhmun Khong, hnân tulut he ka o but köbun.

II. Korinito 12:13

Anyin a ieû a öbun hnyi hmelen keihen je ekalesia, a ca ûnyi ang a oge me ca ohmakʼ öbun? betenge ju öbun gak hnyi hwali eang.

II. Korinito 12:7

Ke wâ adre nye ogoranyi nya bi hnen nuainy ta je ûthumetu, me adre ham könya ûdöiny unyin, wale hna ûkhûnöng hno Satana he ka kulup nya, me inye ca ti görany bi.

Galatia 6:3

Ke a ne ûnykûme ke at a ka e at ae ûnyi hnathu, ke ca e bi, e ame ka iyawâ e bi.

Efeso 3:2

öbun e ne hia but long hanymök, wale ibetengiö baû anyin Khong adre ham könya hobi köbun:

Efeso 3:4

ke öbun e ne aû, öbun e he ka wâ anyik metâ hnyi ûnyi ae iyong anyin Keriso;

Efeso 4:16

ûnyi gan unyin hia adre tretrao wia, me ûhûjâköuâ wia, hnen onyen ta je hna hûjö hia, hoton huliwa hnyi tulutiny je ke keihen unyin, me ame gan tot unyin, mʼ adre me op e göranyai hnyi ibetengiö.

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

I. Timoteo 1:14

ke ame ti si but ibetengiö baû anyin Tuhöta, me labageju, me ibetengiö wale ae unyin Keriso Iesu.

I. Timoteo 2:15

ke ame he ka möt momo hnyi hna hnokoâ, ödra ka tethmâ hnyi labageju me ibe-tengiö, me hwakecin ae kap me hnyok ae wisa.

I. Timoteo 2:9

Ke helâe minya ju omomo, e so adre me khavâ ûkhaû ae ûcû, tha e me bongon ot, me hnyok ae wisa; ca he ka ûla hobâ leûnen hodra, me gol, me penina, me ûkhaû ae gan hwaban;

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Tito 2:2

ka habe, hamen wahingat he ka hmâkâ, me hnyokâ wisa, me wâ wia, me hwege hnyi labageju, me ibetengiö, me hokhnyok.

Tito 2:4

mʼ adre me he ka nâ wia omomo hmai he ka ve hnyokâ laöiödra, me hnyokâ lakudra,

Tito 2:6

helâe minya ge wahidröu sihwegi ödra he ka ûnykûme wia:

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;

I. Peteru 4:11

a ne fuc ke at, fuc dö helâ me hofuc hwan Khong; a ne huliwa ke at, huliwa helâ me man ame ham ge Khong: mʼ adre me he ka ogânâ Khong hnyi ta je ûnyi hia thithö ga Iesu Keriso, e unyin hna ogânâ, me musi nyiele nyiele balua. Amen.

I. Peteru 4:7

Ke e hakekeny jut obiny ta je ûnyi hia tbithö: anyin a wale metâ thʼ öbun ke hmâkâ thö me hic:

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

III. Ioane 1:9

Oge me set ka ekalesia: ke haba Dioterefe, at ame benua hudrin, me ame ca köp öhmun.