Roma 12:2 - Iaai Bible 1901 (New Caledonia)

² Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 12:2 ပူးပေါင်းရင်းမြစ်များ

Ezera 10:11

Ke walang ang omanenâ thö anyibûn hulo kö Iehova, Khongon lakamöbun, me ânyâ weny: me ûsâkâûʼ öbun me tavat aten hnyei, me je momo kanyua.

Salamo 119:103

Shaiba ge hnebwiainy hwâm ta je hofuc hnyi ecngodik! Eke, e hnebwia hon hani hnyi hnyimök.

Salamo 119:128

Anyin a wale oge me haiwisa hia ânyâm ta je hnanyibu ge ta je ûnyi hia; Hmiök ta je gethen hia ae thoi.

Salamo 119:174

Iehova lö, oge me ti wek hmönyinâ ânyâm ûhomeli; Ke oge me senyin ge ânyâm hnanyibu.

Salamo 119:72

E beönua soiny könya hnanyibuiny hnyimâm Hon je thauzan gol me sileva.

Salamo 119:97

Shaiba ge hnok hna hnyok ka ânyâm hnanyibu! E bi mekhunen hnyekuk hnyi je bong hia.

Salamo 34:8

Öbun na drem cubecâ ju me wâ a at ibetengiö Iehova: Hnahic hnen at ame labageju kâu.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Esodo 23:2

U ca he ka hnu hoton tavat ae se he ka ânyâ monu; ke u ca he ka fuc hnyi ivinö he ka tha hien me tavat ae se hia adre me ohnathoâ thoi;

Ezekiela 18:31

Degec ut gabun anyibun ta je hulo hia waleji öbun e ânyâ; ke ânyâ thö hobi köbun hnyok a teb ûnyi me hanu a teb ûnyi: ke anyin a ieû öbun e he ka mok lap anyi Isaraela?

Ezekiela 36:26

Ke oge me he bi minya ka ham köbun hnyok ae teb ûnyi, me ip hanu ae teb ûnyi eû hnyibun; ke oge me he ka hom hnyok ae veto ûnyi hnyi je unyibun, ke oge me he ka ham köbun hnyok ae utiö.

Mataio 13:22

Ke haba at adre tā hnyi wanben ta je ûö ae ûdedö, wale at ame long hofuc, ke ame kû takoû hofuc hnen je vheliny hmeledrany, me je iyawö ge omjeû, me e ame ca wa but.

Mareko 4:19

me ame didro ta je hna ûnykûme je ûnyi eang hmeledrany, ke iyawöiny omjeû, ke behnyekon ka ta je thatûnyi, me kû takoû but hofuc, me ame ca wa bi.

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Ioane 17:14

Oge hia hut ham ködrin hwâm hofuc; ke ame huköti ödrin ge hmeledrany, anyin a ödrin ca aten hmeledrany, helâ me inya a ca aten bi hmeledrany.

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 7:12

Awe, e kap hnanyibu, me e kap hna hûna, me wisa, me so.

Roma 7:14

Anyin ae khanʼ öta a haba hnanyibu me hanen hanu: ke iny aten bi nya unyin, adre ûcö nya ka hnyi hulo.

Roma 7:22

Anyin oge me senyinâ hnanyibu anyin Khong ûnyi ge at eû hnyi hnyik:

I. Korinito 3:19

Anyin ae monu hnyi hnyimakan Khong metâiny hmeledrany. Anyin adre hia but sihnalimen, ka habe, E ame ohnokâ wametâ hnyi anyidra bibihwakeoin:

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

II. Korinito 5:17

Anyin a wale a ne e but ke at unyin Keriso, e at adre teb op; e hia but ta je ûnyi adrem; ke wâ bi, adre ohâtâ ta je ûnyi.

Galatia 1:4

waleji at ame ka hamen ham e hobi kâu anyita ta je hulo, me me omeli ota ûnyi hnyi ang hmelen ae kong, hoton weny Khong a Kamöta:

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

Efeso 5:17

Anyin a wale, ca hwen monu bi öbun, ke wâ ûnykûme weny Than.

Kolose 1:9

Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,

Kolose 3:10

me khaû öbun ge at ae teb ûnyi, adre me labö ohâtâ hnyi metâ hoton we at a op e:

Kolose 4:12

Ame italofa mʼ öbun Epafera a hanöbun athnyabainy Keriso Iesu, at ae hwege hic hobi köbun, mʼ öbun e he ka tot wisa, me kap wia hia weny Khong.

I. Thesalonika 4:3

Ke walang weny Khong, a öbun e he ka kap, ka habe, e so öbun e ka ûsâkâûö but me bi ûnyi monu;

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

I. Peteru 1:14

e so öbun e tha ûcû me tavat ûling, ke ca he öbun ka tha ûcû me webun kâû adrem, waleji kʼ öbun tiga menekholom:

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;

I. Peteru 2:3

öbun e ne hia but drem cubecâ a ga betenge bi Than:

I. Peteru 4:2

mʼ öbun e ca he hmetu ka möt ka hnyi ta je weny at, hnyi ûen a tiga öbun hnyi unyin, ke so bi ka hnyi weny Khong.

II. Peteru 1:4

ke can thibi e, e ame ham köta ta je hna ha bânâ ae ûnyi hnathu me gan hmâ hmonyin; mʼ öbun e he ka hnyi vheno hwakecin Khong, hnen e, öbun tavat kec ge hwakecin ae kong eang hmeledrany ûnyi ge weny Khong.

II. Peteru 2:20

Anyin adre ne hia but kec ûnyi hnyi ta je ûnyi ae kong hnyi hmeledrany ûnyi ge hnödra hna wâhmakhmetoâ Than At ûhomeli a Iesu Keriso, ke adre me vhet hmetu hnyin me hom ûhnyûkongo, awe, e kong obiny hynat eling hon can.

I. Ioane 3:13

Hnyat me lakeiny lö, ca he bi ka hlohlo e ka hûköti öbun hnen aten hmeledrany.

I. Ioane 5:19

E khanʼ öta a ûheta unyin Khong, ke hmeledrany hia thithö ame mokut unyin at ae kong.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.