Roma 12:1 - Iaai Bible 1901 (New Caledonia)

¹ ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 12:1 ပူးပေါင်းရင်းမြစ်များ

Salamo 116:12

Oge me he ka bi hwaban ge ieû kö Iehova Anyin ta je so hia könya?

Salamo 19:14

E so e me he je hofuc hnyi hnyimök me je hna ûnykûme eû hnyi hnyekuk ka ûcû but hnyi hnyimâkâm, Iehova, kicik, at ame omeli nya.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Numera 7:21

ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

Luka 7:47

Waleling me inye ha köu, ka habe, Adre hia but hna degecâ anyin ta je hulö ae se hia; anyin ae gan hmâ ibetengiö anyin momo: ke e ka ûhnyûkong hna ohia ge ke at, me ka ûhnyûkong anyin ibetengiö.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Roma 15:30

Hnyat me lakeiny lö, inya oge sumat öbun ûnyi ge Tuhöta Iesu Keriso, me ûnyi ge ibetengiö anyin Hanu, möbun e he ka tha hic ûjöng mönya ka Khong hobi könya;

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

Roma 6:16

E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa?

Roma 6:19

Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap.

Roma 9:23

me me he ka omanenâ ûnyi hnathuiny anyin hmanenang ka ta je utkainy ibetengiö, waleji e ame penapena hnân hobi kâu hmanenang,

I. Korinito 1:10

Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca.

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

II. Korinito 4:1

E HU but gahmun huliwa eang, ke adre me betenge gahmun, me waleling öhmun e ca sënyin:

II. Korinito 4:16

Wale me öhmun e ca sënyin bi; eja ke ne a ne bobot tot je unyihmun hnyi hoton, adre me ohâtâ hnyi je bong hia at eû hnyin.

II. Korinito 5:20

Anyin a wale, öhmun je metâ anyin Keriso, helâke Khong ame khöû ûnyi gahmun: ke öhmun e sumatʼ öbun, hobi kâu Keriso, ka habe, ûsoköu öbun ju me Khong.

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Efeso 4:1

ANYIN a wale inya at adre cö nya can Than, inya oge me khöu köbun he ka he hoton hna hawʼ öbun ka hnyin,

Efeso 5:10

ke elâm dʼ öbun ûnyi hnân osenyinâ Than;

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.

I. Thesalonika 4:1

KE walang obiny, hnyat me lakeiny lö, öhmun e sumat me ûjengi öbun ge Than Iesu, ka habe, haba hnöbun hna kap gahmun ge bongon he a öbun, me me osenyinâ Khong, ke öbun e he helâe,— mʼ öbun e he ka hwege tot hnyin bala.

I. Thesalonika 4:10

e hnathu öbun e ânyâ e ka hnyat me lakeiny hia hnyi Makedonia hia. Ke öhmun e khöû köbun, hnyat me lakeiny he ka osehia bala;

I. Thesalonika 5:12

Hnyat me lakeiny lö, öhmun e khöû köbun he ka ō ʼdrin ju tavat ödrin e huliwa unyibun, me musi öbun hnyi Than, me sihwegi öbun;

I. Timoteo 2:3

Wale ûnyi ae so me hnân osenyinâ hnyi hnyimakan Khong At a omeli öta;

I. Timoteo 5:4

Ke a ne ke safac ae hu lakon, ke ame ne laöbiny, me so ödrin e mö nâ he ka ânyâ hwakecin ae so hnyi hnyabadrin bi, me bi troban ka lakamödrin me lahinyödra: anyin a wale ûnyi ae so hnyi hnyimakan Khong.

Filemona 1:10

inya oge me khöûö Onesimo köu a nokuk, waleji oge hnokoâ ke inya hnyi uma ce at,

Filemona 1:9

oge me he ka sumatö u hnyi ibetengiö, inya Paulo a hingat, adre cö nya walang ang can Keriso Iesu:

Heberu 13:22

Ke inya oge me ûjöngi öbun hnyat me lakeiny, ka habe, më löng ju hos ne hnân nâ: anyin oge hia but sit okhulitâ köbun.

I. Peteru 2:20

Anyin a ewa ûnyi hnân hobelöu, öbun ka he ka hokhnyokâ hna kulup öbun can anyibun ta je monu? ke öbun e ne hokhnyokâ vec can hwakecibun ae so, wale ûnyi ae so ka Khong.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.