Roma 11:6 - Iaai Bible 1901 (New Caledonia)

⁶ Ke a ne hnen ibetengiö baû, awe, ca hnen bi huliwa: a ne ca helâe, me ca ibetengiö baû hmetu bi ibetengiö baû.

Roma 11:6 ပူးပေါင်းရင်းမြစ်များ

Luka 6:13

Ke a lany jut, me e ame hawâ laten: ke e ame ûca hnyat a twelv gadrin, me e ame hwenyi iödrin je aposetolo;

I. Korinito 15:10

Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya.

Galatia 2:21

Oge me ca oûnyibâûâ ibetengiö baû anyin Khong: anyin a ne hu hwakecin ae wisa ûnyi ge hnanyibu, awe, e ûnyi baû bi mok anyin Keriso.

Galatia 5:4

Adre hia but oûsâkâûʼ öbun me Keriso, öbun tavat öbun e behaiwisʼ öbun hnyi hnanyibu; ke öbun e ū but ûnyi hnyi ibetengiö baû.

II. Timoteo 1:9

at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,